गुरुवार, २९ ऑगस्ट
संगमनेर : शेतात मेंढपाळ कळपासह मुक्काम करत असताना मेंढ्यावर हल्ला करण्यासाठी गेलेल्या बिबट्याला रात्रीच्या अंधारात अंदाज न आल्याने गुराखी महिलेला ओरबाडले. पती मदतीसाठी धावताच बिबट्या पळाला यात महिला जखमी झाल्याची घटना वडगाव लांडगा येथे घडली.
याबाबत अधिक माहिती अशी, साकुर येथील मेंढपाळ आपला मेंढ्याचा कळप घेवून फिरत असतांना रात्रीच्या वेळी मारुती लांडगे यांच्या शेताजवळ मुक्कामासाठी थांबले. मंगळवारी (२६ ऑगस्ट) पहाटे साडेचारच्या सुमारास बिबट्या मेंढ्याची शिकार करण्यासाठी आला. याच ठिकाणी मेंढपाळ पती-पत्नी येथेच झोपलेले होते. कळप पाहून बिबट्याने मेंढ्यावर हल्ला करण्यासाठी झडप टाकली. मात्र रात्रीच्या अंधारात अंदाज न आल्याने बिबट्याचा पंजा महीलेच्या गालाला लागल्याने त्यांना जाग आली.
यामुळे त्यांनी बचावासाठी आरडाओरड केली असता पती मदतीसाठी धावून आला. त्यांनी काठीच्या साह्याने बिबट्याला पिटाळून लावले. या हल्ल्यात बिबट्याचा पंजाने गालाला ओरबाडले यात शारदा राहूल खेमनर ही महिला गुराखी जखमी झाली. याची माहिती वनविभागाला देण्यात
जखमी महिलेला उपचारासाठी रुग्णालयात दाखल करण्यात आले होते. तर घटनास्थळी वनरक्षक जयश्री पोवळे यांनी भेट दिली होती. जखमी महिलेवर रुग्णालयात उपचार सुरू असून या परिसरात शेतकर्‍यांनी पिंजरा लावण्याची मागणी केली आहे.
बिबट्या मेंढ्याची शिकार करण्यासाठी गेला होता. मात्र चुकून त्याचा पाय गुराखी महिलेच्या गालावर पडल्याने गालाला ओरबडले आहे. त्यांचेवर रुग्णालयात उपचार सुरू आहे. – जयश्री पोवळे, वनरक्षक.
