शुक्रवार, ११ ऑक्टोंबर
तोफेतून गोळा सोडत असताना तो जागेवरच फुटल्याने झालेल्या स्फोटात दोन अग्निवेरांचा दुर्दैवी मृत्यू झाला असून एक अग्निवीर गंभीर जखमी झाला आहे. नाशिकमध्ये हा प्रकार घडला.
गोहिल विश्वराज सिंग (वय २० वर्ष, मूळ रा. गुजरात ह.मू. आर्टिलरी सेंटर, नाशिकरोड, नाशिक) आणि शक्कींन शीत (वय २१ वर्ष, मूळ रा. पश्चिम बंगाल, ह.मू. आर्टिलरी सेंटर, नाशिकरोड, नाशिक) असे मृत झालेल्या अग्निवीरांची नावे असून अप्पाला स्वामी (वय २० वर्ष) असे जखमी झालेल्या अग्निविराचे नाव आहे. दरम्यान या प्रकरणी देवळाली पोलीस ठाण्यात अकस्मात मृत्यूची नोंद करण्यात आली आहे.
पोलिसांनी दिलेल्या माहितीनुसार, गुरुवारी दुपारी सव्वा बारा वाजण्याच्या सुमारास इंडियन शील्ड गन या मैदानावर फायर रेंज आर्टिलरी सेंटर येथे अग्निविरांचा सराव सुरू होता. या सरावा दरम्यान १२ तोफांच्या माध्यमातून सात अग्नीवीर गोळा फेकून आपले लक्ष भेदत होते या दरम्यान ही दुर्घटना घडली. अग्निविरांनी तोफ नंबर चारच्या तोंडी गोळा टाकला. तो गोळा फायर केल्यानंतर इच्छित लक्षस्थळी न जाता तोफेपासून काही अंतरावर खाली पडला व त्याचा स्पोट झाला. यात त्या दोघांचा मृत्यू झाला.
दरम्यान अग्निविरांच्या सरावा दरम्यान घडलेली ही देशातील पहिली घटना असल्याचे सांगितले जाते.
