मंगळवार, २२ सप्टेंबर
विधानसभा निवडणुकीसाठीची अधिसूचना जारी होताच उमेदवारी अर्ज घेण्याच्या पहिल्याच दिवशी मोठ्या संख्येने अहिल्यानगर जिल्ह्यात उमेदवारी अर्जांची विक्री झाली आहे. तर जिल्ह्यात शेवगाव विधानसभा मतदारसंघ तीन आणि कर्जत जामखेड मतदार संघात एका उमेदवारांनी आपला उमेदवारी अर्ज पहिल्याच दिवशी दाखल केला आहे.
विधानसभा निवडणुकीचा रणसंग्राम खऱ्या अर्थाने मंगळवारपासून सुरू झाला आहे. इच्छुक उमेदवार आणि त्यांच्या समर्थकांनी पहिल्याच दिवशी जिल्ह्यातील विविध मतदारसंघात मोठ्या प्रमाणात उमेदवारी अर्ज नेले असल्याने मोठ्या संख्येने उमेदवार मैदानात उतरण्याची चिन्हे आहेत.
मतदार संघ निहाय विक्री झालेले उमेदवारी अर्ज पुढील प्रमाणे…
संगमनेर – ११ व्यक्ती २५ अर्ज
राहुरी – २० व्यक्ती २९ अर्ज
नेवासा – २० व्यक्ती ४१ अर्ज
शेवगाव – १८ व्यक्ती ४६ अर्ज
शिर्डी – १४ व्यक्ती २३ अर्ज
कोपरगाव – २७ व्यक्ती ३९ अर्ज
श्रीरामपूर – २४ व्यक्ती ५६ अर्ज
पारनेर – ०८ व्यक्ती १९ अर्ज
श्रीगोंदा – १९ व्यक्ती ३५ अर्ज
कर्जत-जामखेड – ०९ व्यक्ती १८ अर्ज
अहिल्यानगर – १८ व्यक्ती ३७ अर्ज
अकोले – ०८ व्यक्ती ०८ अर्ज
