शनिवार, २६ ऑक्टोबर
संगमनेर – भारतीय जनता पक्षाचे माजी खासदार सुजय विखे पाटील यांच्या संगमनेर तालुक्यातील धांदरफळ खुर्द येथील सभेत अध्यक्ष स्थानी असलेल्या वसंत गुंजाळ याने काँग्रेसचे ज्येष्ठ नेते बाळासाहेब थोरात यांच्या कन्या डॉ. जयश्री थोरात यांच्याविषयी आक्षेपार्ह विधान केल्याने राज्यभरात संतापाचे वातावरण निर्माण झाले आहे. संगमनेर तालुक्यात देखील मोठ्या प्रमाणात संतप्त वातावरण निर्माण झाले असून विजय विखे पाटील आणि वसंत देशमुख यांच्या अटकेसाठी संगमनेर तालुका पोलीस ठाण्यासमोर कार्यकर्त्यांना रात्रभर ठिय्या दिला असून शनिवारी दुपारपर्यंत कार्यकर्ते भाषणातून आपला रोष व्यक्त करत होते.
दरम्यान काँग्रेसच्या ज्येष्ठ नेत्या माजी मंत्री यशोमती ठाकूर यांनी देखील मध्यरात्री आपल्या ट्विटर हँडलवर ट्विट करत या घटनेचा आणि भाजप प्रवृत्तीचा निषेध केला आहे.
ठाकूर म्हणाल्या, मतांसाठी राज्यातील महिलांना लाडकी बहीण बनवायचं, प्रसिद्धीचे ढोल बडवायचे आणि एका सुसंस्कृत परिवारातील महिलेबद्दल भर सभेत अपशब्द वापरायचे, तिचं चारित्र्यहनन करायचं ही भाजपची खरी नीती आहे. भाजपचा चाल-चरित्र आणि चेहराच उघड झाला आहे. सुजय विखे यांच्या सभेत @JayaThoratINC यांच्याबाबत उद्गारले गेलेले अपशब्द हा समस्त महिलावर्गाचा अपमान आहे.
विखे आणि भाजपची हिच खरी नियत आहे ती यानिमित्ताने समोर आली! भाजपा म्हणजे महाराष्ट्रातील आया बहिणीवर संकट!
पुरोगामी महाराष्ट्रात तुमची मुलगी घराबाहेर पडू शकणार नाही ही धमकी देता? जयश्री थोरातच काय राज्यातील कुठल्याही महिलेच्या केसाला जरी धक्का लागला तर खपवून घेतलं जाणार नाही.
https://x.com/AdvYashomatiINC/status/1849882905918558307?s=19
