सोमवार, २८ ऑक्टोबर
गेल्या अनेक दिवसांपासून विद्यमान आमदार बाळासाहेब थोरात यांच्या विरुद्ध मैदानात शड्डू ठोकत टायगर अभी… म्हणत विधानसभा लढविण्याचे संकेत देणारे माजी खासदार डॉक्टर सुजय विखे अपेक्षेप्रमाणे लढणार नसल्याचे स्पष्ट झाले आहे. तर भाजपकडून उमेदवारी लढविण्यासाठी इच्छुक असलेले खासदार राधाकृष्ण विखे यांचे समर्थक अमोल खताळ शिवसेनेकडून मैदानात उतरणार असल्याचे रात्री स्पष्ट झाले. 
शिवसेनेकडून रात्री उशिराने सहयोगी पक्षाच्या उमेदवारांसह पंधरा उमेदवारांची उमेदवारी जाहीर करण्यात आली. यात अपेक्षेप्रमाणे नेवासे आणि संगमनेर या दोन्ही जागा शिवसेनेच्या वाट्याला गेल्या आहेत. तर जिल्ह्यातील प्रत्येकी पाच पाच जागांवर अनुक्रमे भाजपाने राष्ट्रवादी काँग्रेस लढणार आहे. 
उशिराने जाहीर करण्यात आलेल्या यादीत संगमनेर मधून अमोल खताळ यांना उमेदवारी देण्यात आल्याने शिवसेनेकडे स्वतःचा उमेदवार नसल्याने भाजपचा उमेदवार आयात करण्याची वेळ आली आहे. संगमनेरमधून सुजय विखेंचा पत्ता कट झाल्याने खताळ यांना आता कमळ ऐवजी धनुष्यबाण हाती घ्यावे लागणार आहे.
नेवासे मतदारसंघातून शिवसेनेचे शंकरराव गडाख यांच्या विरोधात विठ्ठलराव वकीलराव लंघे पाटील यांना उमेदवारी देण्यात आली आहे. त्यामुळे जिल्ह्यातील बारावी जागेवर महायुती आणि महाविकास आघाडीने आपापले उमेदवार दिले आहे.
अमोल खताळ यांना एकनाथ शिंदे यांच्या शिवसेनेचे प्रवेश करून शिवसेनेची उमेदवारी स्वीकारावी लागणार आहे. प्रवेश करण्यापूर्वीच त्यांना उमेदवारी जाहीर करण्यात आली. संगमनेर महाविद्यालयाच्या मैदानावर हेलिपॅड तयार केले जात आहे. मंगळवारी पालकमंत्री राधाकृष्ण विखे पाटील येथे आल्यानंतर खताळ यांचा उमेदवारी अर्ज त्यांच्या उपस्थितीत भरला जाणार आहे.
मुख्यमंत्री एकनाथ शिंदे यांनी आपल्या ट्विटर हँडलवर जाहीर केलेली उमेदवारांची यादी…
