बुधवार, ३० ऑक्टोंबर
विधानसभा निवडणुकीत संगमनेर विधानसभा मतदारसंघातून उमेदवारी अर्ज दाखल करण्याच्या अखेरच्या दिवसात १६ जणांनी अर्ज दाखल केले होते. बुधवारी झालेल्या अर्जांच्या छाननीमध्ये एका उमेदवाराचा अर्ज बाद झाल्याने आता पंधरा उमेदवार शिल्लक राहिले आहेत.
महाविकास आघाडीचे उमेदवार माजी मंत्री विद्यमान आमदार बाळासाहेब थोरात, महायुतीचे शिंदे गटाचे उमेदवार अमोल खताळ, वंचित बहुजन आघाडीचे अजीज व्होरा, वंचित बहुजन आघाडीचे योगेश सूर्यवंशी आधी प्रमुख उमेदवारांचा यात समावेश आहे. 
बुधवारी निवडणूक निर्णय अधिकारी तथा प्रांताधिकारी शैलेंद्र हिंगे यांच्यासमोर दाखल झालेल्या उमेदवारी अर्जांची छाननी पार पडली. या छाननीमध्ये अल्ताफ इब्राहिम शेख या अपक्ष उमेदवाराचा उमेदवारी अर्ज बाद ठरविण्यात आला. या उमेदवाराचे अफिडेव्हीट अपूर्ण होते. संधी देऊन देखील उमेदवाराने ते चुकीचेच आणल्याने अर्ज बाद ठरविण्यात आला.
संगमनेर विधानसभा मतदारसंघात आता पंधरा उमेदवारांचे अर्ज वैध ठरविण्यात आले असून ४ नोव्हेंबर रोजी उमेदवारी अर्ज मागे घेण्याचा अंतिम दिवस आहे. तोपर्यंत निवडणुकीतील रणछोडदास समोर आल्यानंतर या मतदारसंघातील अंतिम चित्र स्पष्ट होईल.
या उमेदवारांच्या अर्ज ठरविण्यात आले वैध…
- अमोल धोंडीबा खताळ (शिवसेना)
- थोरात विजय उर्फ बाळासाहेब भाऊसाहेब (काँग्रेस)
- योगेश मनोहर सूर्यवंशी (महाराष्ट्र नवनिर्माण सेना)
- सूर्यभान बाबुराव गोरे (बहुजन समाज पार्टी)
- अब्दुलअजीज अहमदशरीफ व्होरा (वंचित बहुजन आघाडी)
- अविनाश हौशीराम भोर (जय हिंद जय भारत राष्ट्रीय पार्टी)
- कलीराम बहिरू पोपळघट (भारतीय नवजवान सेना पक्ष)
- गायकवाड भागवत धोंडीबा (ऑल इंडिया फॉरवर्ड ब्लॉक)
- प्रदीप विठ्ठल घुले (लोकशाही पार्टी)
- भारत संभाजी भोसले (समता पार्टी)
- रभाजी गिरजी खेमनर (राष्ट्रीय समाज पार्टी)
- शशिकांत विनायक दारोळे (रिपब्लिकन पार्टी ऑफ इंडिया ए)
- अजय गणपत भडांगे (अपक्ष)
- दत्तात्रेय रावसाहेब ढगे (अपक्ष)
- विठ्ठल रावसाहेब घोरपडे (अपक्ष)
