गुरुवार, ३१ ऑक्टोबर
मुंबई – राज्यभरात विधानसभा निवडणुकीचे रणधुमाळी सुरू झाली. महाविकास आघाडी महायुती सह सर्वच पक्षांनी आपले अधिकृत उमेदवार जाहीर केले असले तरी बंडखोरांचा मोठा फटका या पक्षांना बसला आहे. बंडोबांचे बंड शांत करण्याचे प्रयत्न सुरू असतानाच शिवसेना ठाकरे पक्षाने आपल्या चोवीस स्टार प्रचारकांची यादी जाहीर केली आहे. 
ठाकरे पक्षाचे हे स्टार प्रचारक असलेले नेते विधानसभा निवडणुकीदरम्यान राज्यभरात सभांच्या माध्यमातून मैदान गाजवत महायुती सरकारच्या कारभाराची पोलखोल करतील.
सर्वच पक्षाच्या नेत्यांच्या तोफा मैदानावर धडकणार असून ठाकरेंची शिवसेना देखील निवडणुकीला सामोरे जाण्यासाठी सज्ज झाली आहे. शिवसेनेने राज्यभरात ९० हून अधिक उमेदवार दिले असून त्यांच्या प्रचारासाठी आता राज्यात शिवसेनेचे दिग्गज नेते स्टार प्रचारकाच्या रूपाने फिरणार आहेत. या यादीत दिग्गज नेत्यांसोबत कलाकारांचाही समावेश आहे.
ठाकरेंच्या स्टार प्रचारकांची यादी…
उद्धव ठाकरे, आदित्य ठाकरे, संजय राऊत, अरविंद सावंत, भास्कर जाधव, अनिल देसाई, विनायक राऊत, आदेश बांदेकर, अंबादास दानवे, नितीन बानुगडे पाटील, प्रियांका चतुर्वेदी, सचिन अहिर, सुषमा अंधारे, संजय (बंडू) जाधव, किशोरी पेडणेकर, ज्योती ठाकरे, संजना घाडी, जान्हवी सावंत, शरद कोळी, ओमराजे निंबाळकर, आनंद दुबे, किरण माने, प्रियांका जोशी व लक्ष्मण वडले.
