असे कितीतरी गावे आहेत ज्यांचा आश्वी बुद्रुक अपर तहसीलमध्ये करण्यात आलेला समावेश हा संशयास्पद आहे. नवीन अपर तहसील कार्यालय त्यांच्यासाठी गैरसोयीचे आहे, यातून संगमनेरची भौगोलिक, सामाजिक आणि सांस्कृतिक रचनासुद्धा बिघडणार आहे. असे असताना कोणत्याही गावाला विश्वासात न घेता असा तहसील निर्मितीचा प्रस्ताव बनतोच कसा?
या पाठीमागे राजकीय डाव आहे, संगमनेरचे स्वातंत्र्य मोडीत काढण्याचा हा प्रयत्न आहे. एवढेच नाही तर संगमनेर शहराचे महत्व कमी करण्याची भूमिका देखील यामागे दिसते. संगमनेर तालुक्यासाठी ही अत्यंत चिंतेची बाब आहे, असेही थोरात म्हणाले.
हे राजकारण कोणालाही पटणार नाही… संगमनेरच्या मोडतोडीचा प्रस्ताव संगमनेरमधील माझ्या राजकीय विरोधकांनाही पटणार नाही. राजकारणात कदाचित आमच्या भूमिका वेगवेगळ्या आपल्या तरीही या अन्यायाविरोधात संगमनेरकर एकत्रित लढा उभारतील.
सरकार आणि प्रशासनाशी बोलणार… अपर तहसील निर्मितीचा प्रस्ताव हा खोडसाळपणा आहे, तो वस्तुस्थितीला धरून नाही, ही बाब मी सरकार आणि प्रशासनाच्या निदर्शनास आणून दिली आहे, मुख्यमंत्री आणि महसूलमंत्री यांना पत्र देऊन जनभावना कळवणार आहे.
