किरण वाकचौरे यांची पोलीस उपमहानिरीक्षक कार्यालयात वरिष्ठ लिपिकपदी निवड

महाराष्ट्र संवाद न्यूज – कळस (प्रतिनिधी)
अकोले तालुक्यातील कळस गावची सुकन्या कुमारी किरण कैलास वाकचौरे यांनी महाराष्ट्र लोकसेवा आयोगाद्वारे (MPSC) घेण्यात आलेल्या स्पर्धा परीक्षेत उत्कृष्ट यश संपादन केले आहे. त्यांची नुकतीच नाशिक येथील पोलीस उपमहानिरीक्षक (DIG) कार्यालयात वरिष्ठ लिपिक पदावर निवड झाली आहे.
किरण या कळस येथील जिल्हा परिषद प्राथमिक शाळेतील शिक्षक कैलास वाकचौरे यांच्या कन्या आहेत. त्यांचे प्राथमिक शिक्षण कळस बुद्रुक येथील जिल्हा परिषद प्राथमिक शाळा आणि माध्यमिक शिक्षण कळसेश्वर विद्यालयात झाले. त्यांच्या या उल्लेखनीय यशाबद्दल सर्व स्तरांतून अभिनंदन होत आहे.
कळसेश्वर देवस्थान ट्रस्टच्यावतीने पोलीस निरीक्षक मोहन बोरसे आणि जिल्हा परिषदेचे माजी सभापती कैलासराव वाकचौरे यांच्या हस्ते किरण यांचा सत्कार करण्यात आला.
याचबरोबर, कळस बुद्रुक ग्रामपंचायत आणि जिल्हा परिषद प्राथमिक शाळेच्या संयुक्त विद्यमाने एका सत्कार समारंभाचे आयोजन करण्यात आले होते. या कार्यक्रमाच्या अध्यक्षस्थानी संगमनेर साखर कारखान्याचे संचालक अरुण वाकचौरे होते, तर अकोले पोलीस स्टेशनच्या पोलीस उपनिरीक्षक श्रीमती खांडबाले यांच्या हस्ते किरण यांचा गौरव करण्यात आला.
याप्रसंगी सरपंच राजेंद्र गवांदे, जय किसान दूध संघाचे चेअरमन भाऊसाहेब वाकचौरे, कृषी उत्पन्न बाजार समितीचे संचालक ईश्वर वाकचौरे, ह.भ.प. गणेश महाराज वाकचौरे, ह.भ.प. अरुण महाराज शिर्के, संगमनेरचे माजी संचालक संभाजी वाकचौरे, उपसरपंच केतन वाकचौरे, पोलीस पाटील गोपीनाथ ढगे, रावसाहेब वाकचौरे, अर्जुन भुसारी, जिजाबा वाकचौरे आदी मान्यवरांनी किरण वाकचौरे यांचे अभिनंदन करून पुढील वाटचालीस शुभेच्छा दिल्या.