संगमनेर – संगमनेर पोलिसांनी खांडगाव परिसरात एका कारवाईत अंमली पदार्थ असलेला गांजा जप्त केला आणि गांजाची विक्री करणाऱ्या एका व्यक्तीला अटक केली आहे. सोमवारी दुपारी झाला न्यायालयासमोर हजर करण्यात आले होते.
पोलिसांनी दिलेल्या माहितीनुसार, आरोपी मोहन ज्ञानेश्वर आरगडे (वय २७ वर्षे, रा. आरगडे मळा, खांडगाव, ता. संगमनेर, जि. अहिल्यानगर) याच्याकडून ८५० ग्रॅम गांजा जप्त करण्यात आला. जप्त केलेल्या गांजाची किंमत ७,६५० रुपये असून तो एका प्लास्टिकच्या पिशवीत ठेवण्यात आला होता.
पोलिसांना मिळालेल्या गुप्त माहितीच्या आधारे, गांजा विक्रीसाठी आरोपी आला याची माहिती पोलिसांना मिळाली होती या माहितीच्या आधारे खांडगाव गावाच्या शिवारात आरगडे वस्तीच्या पुढे असलेल्या डोंगराच्या बाजूला काटवन परिसरात ही कारवाई करण्यात आली.
या प्रकरणी संगमनेर शहर पोलीस स्टेशनमध्ये गुन्हा क्रमांक ४४२/२०२५ अंतर्गत अंमली औषधे द्रव्य आणि मन:प्रभावी पदार्थ अधिनियम १९८५ चे कलम ८ (क), २० (ब), आणि २(क) नुसार गुन्हा दाखल करण्यात आला आहे. पोलीस उपनिरीक्षक विश्वास भान्सी या प्रकरणाचा तपास करत आहेत.
