महाराष्ट्र संवाद न्यूज ऑनलाईन
संगमनेर, प्रतिनिधी: संगमनेरकरांसाठी सांस्कृतिक मेजवानी घेऊन येणारा ‘संगमनेर फेस्टिवल’ येत्या गुरुवारपासून (२८ ऑगस्ट) सुरू होत आहे. चार दिवस चालणाऱ्या या फेस्टिवलमध्ये विविध लोकप्रिय नाटकांसह संगीत आणि विनोदी कार्यक्रमांचा संगम साधण्यात आला आहे. राजस्थान युवक मंडळाचे अध्यक्ष मनीष मालपाणी यांनी प्रसिद्धीपत्रकाद्वारे ही माहिती दिली आहे.
यंदा फेस्टिवलचे १७ वे वर्ष असून राजस्थान युवक मंडळाच्या स्थापनेचे अमृत महोत्सवी वर्ष देखील आहे. फेस्टिवल मध्ये सादर होणाऱ्या कार्यक्रमांची माहिती अशी,
गुरुवार, २८ ऑगस्ट: सायंकाळी ६:३० वाजता सुप्रसिद्ध अभिनेते संदीप पाठक यांचा गाजलेला एकपात्री प्रयोग ‘वर्हाड निघालंय लंडनला’ सादर होईल. या कार्यक्रमासाठी प्रवेश विनामूल्य आहे.
शुक्रवार, २९ ऑगस्ट: सायंकाळी ७ वाजता संदीप खरे आणि सलील कुलकर्णी यांचा लोकप्रिय कार्यक्रम ‘आयुष्यावर बोलू काही’ होणार आहे.
शनिवार, ३० ऑगस्ट: सायंकाळी ७ वाजता लीना भागवत आणि मंगेश कदम अभिनीत विनोदी नाटक ‘आमने सामने’ सादर होईल, या नाटकाने अनेक पुरस्कार जिंकले आहेत.
रविवार, ३१ ऑगस्ट: सायंकाळी ७ वाजता ‘महाराष्ट्राची हास्य जत्रा’ फेम प्रसाद खांडेकर आणि नम्रता संभेराव यांच्यासह इतर कलाकारांचे पोट धरून हसायला लावणारे विनोदी नाटक सादर होईल.
हे सर्व कार्यक्रम मालपाणी लॉन्सच्या उत्सव सभागृहात आयोजित करण्यात आले आहेत. २९, ३० आणि ३१ ऑगस्ट रोजी होणाऱ्या कार्यक्रमांसाठी पुढील काही खुर्च्या देणगी प्रवेशिका घेऊन राखीव ठेवण्यात आल्या आहेत, तर मागील खुर्च्यांसाठी प्रवेश विनामूल्य असणार आहे. सर्व संगमनेरकरांनी या सांस्कृतिक मेजवानीचा लाभ घ्यावा, असे आवाहन राजस्थान युवक मंडळाने केले आहे.
मंडळाचे कार्याध्यक्ष सुमित अट्टल, उपाध्यक्ष सागर मणियार, सचिव कल्पेश मर्दा, खजिनदार प्रतीक पोफळे, सहसचिव कृष्णा आसावा, सहखजिनदार वेणूगोपाल कलंत्री यांच्यासह कार्यकारणी सदस्य गिरीश मालपाणी, मनीष मणियार, नितीन लाहोटी, ओंकार बिहाणी, रोहित मणियार, सचिन पलोड , राजेश आर. मालपाणी, कल्याण कासट, सम्राट भंडारी, सुदर्शन नावंदर, व्यंकटेश लाहोटी, उमेश कासट, ओंकार इंदाणी, नंदन कासट, पवन करवा, चेतन नावंदर, अक्षय कलंत्री, अमित चांडक, निलेश एन. जाजू, आनंद लाहोटी, कौस्तुभ झंवर, शुभम असावा, महेश पडतानी, प्रथम खटोड, प्रणित मणियार आदी आयोजनासाठी प्रयत्न करत आहे.
