महाराष्ट्र संवाद न्यूज ऑनलाईन
संगमनेर, प्रतिनिधी: सहकारमहर्षी भाऊसाहेब थोरात सहकारी साखर कारखान्याच्या कार्यस्थळावर अमृत सांस्कृतिक मंडळाच्यावतीने यंदा गणेशोत्सव काळात विविध सांस्कृतिक कार्यक्रमांचे आयोजन करण्यात आले आहे. राज्याचे माजी महसूल आणि शिक्षणमंत्री बाळासाहेब थोरात यांच्या मार्गदर्शनाखाली आयोजित करण्यात आलेल्या या कार्यक्रमांमध्ये चित्रपट अभिनेते, अभिनेत्री आणि प्रसिद्ध कलावंत सहभागी होणार आहेत.
अमृतेश्वर मंदिरासमोरील प्रांगणात २७ ऑगस्ट ते ६ सप्टेंबर या कालावधीत ५६ व्या वर्षीच्या गणेशोत्सवाचे कार्यक्रम होणार असल्याची माहिती कारखान्याचे कार्यकारी संचालक जगन्नाथ घुगरकर आणि कार्याध्यक्ष रामदास तांबडे यांनी दिली.
यावेळी लोकनेते बाळासाहेब थोरात, माजी आमदार डॉ. सुधीर तांबे, आमदार सत्यजित तांबे, कारखान्याचे व्हाईस चेअरमन पांडुरंग पाटील घुले, कॅन्सरतज्ञ डॉ. जयश्रीताई थोरात यांच्यासह सर्व संचालक मंडळ उपस्थित राहणार आहे.
अमृत सांस्कृतिक मंडळाचे उपाध्यक्ष जगन्नाथ घुगरकर, कार्याध्यक्ष रामदास तांबडे, सेक्रेटरी संदीप दिघे, भारत देशमुख, तसेच संचालक अनिल हासे, अनिल वरपे, बबन सावंत, संजय मांडे, अनिल पाटोळे, अनिल मोकळ, दिलीप तांबे, विनायक जोंधळे आणि सचिव राजू बडे यांनी घुलेवाडी, मालदाड, संगमनेर, गुंजाळवाडी, वेल्हाळे, अमृत नगर आणि तालुक्यातील सर्व नागरिकांना मोठ्या संख्येने उपस्थित राहण्याचे आवाहन केले आहे.
प्रमुख कार्यक्रमांची माहिती:
बुधवार, २७ ऑगस्ट: गणेशमूर्तीची मिरवणूक आणि स्थापना.
गुरुवार, २८ ऑगस्ट: दुपारी ३ ते ५ या वेळेत रांगोळी आणि मेहंदी स्पर्धा.
शुक्रवार, २९ ऑगस्ट: रात्री ८ वाजता ‘हीच खरी फॅमिलीची गंमत आहे’ हे विनोदी नाटक सादर होईल. यामध्ये सागर कारंडे, शलाका पवार, हर्षदा कर्वे, प्रतीक पाध्ये, राकेश शालिनी आणि संतोष पवार यांसारखे हास्य अभिनेते उपस्थित राहणार आहेत.
शनिवार, ३० ऑगस्ट: विद्यार्थ्यांसाठी शालेय क्रीडा स्पर्धा.
रविवार, ३१ ऑगस्ट: रात्री ८ वाजता ‘मराठी पाऊल पडते पुढे’ हा महाराष्ट्राची लोकसंस्कृती दर्शवणारा कार्यक्रम सादर केला जाईल.
सोमवार, १ सप्टेंबर: रात्री ८ वाजता अमृतेश्वर भजनी मंडळाच्या वतीने भजनाचा कार्यक्रम.
मंगळवार, २ सप्टेंबर: रात्री ८ वाजता गाजलेले नाटक ‘सुंदर मी होणार’ सादर होईल, ज्यात विद्याधर जोशी, स्वानंदी टिकेकर, अभिजीत चव्हाण, अमोल बावडेकर, सृजन देशपांडे, विराज ओढेकर आणि श्रुती पाटील हे कलाकार असतील.
बुधवार, ३ सप्टेंबर: संगीत खुर्ची आणि चमचा लिंबू स्पर्धा.
गुरुवार, ४ सप्टेंबर: रात्री ८ वाजता ‘एकापेक्षा एक अप्सरा’ हा लावणीचा कार्यक्रम.
शुक्रवार, ५ सप्टेंबर: रात्री ८ वाजता शेतकऱ्याच्या जीवनावर आधारित ‘नवरदेव’ हा चित्रपट दाखवला जाईल.
