महाराष्ट्र संवाद न्यूज ऑनलाईन
अपर पोलीस अधीक्षक सोमनाथ वाघचौरे यांचे पथक आणि श्रीरामपूर शहर पोलिसांनी दमदार कामगिरी केली आहे. अग्नि शस्त्र विक्रीसाठी काही संशयित श्रीरामपूरमध्ये आल्याची माहिती मिळतात या संयुक्त पथकाने कारवाई करत दोघाजणांना पकडले. कारवाईदरम्यान आरोपींकडून ३ गावठी पिस्टल, १० जिवंत काडतूस, ६ मॅगझिन आणि इर्टिका कारसह तब्बल ७ लाख ३० हजार रुपयांचा मुद्देमाल जप्त करण्यात आला आहे.
अप्पर पोलीस अधीक्षक सोमनाथ वाघचौरे यांनी दिलेल्या माहितीनुसार, एका इर्टिका कार मधून दोघेजण शस्त्र विक्रीसाठी घेऊन येत असल्याची गोपनीय माहिती मिळाल्यानंतर पोलीस पथकाने संजयनगर रोडवरील मिल्लतनगर येथे पाटाच्या कडेला आरोपींना पकडण्यासाठी सापळा लावला होता. संशयित वाहन तेथून जात असताना पोलिसांनी ते अडविले. वाहनातील दोघा जणांकडे पोलिसांनी चौकशी केली असता तसेच कारची झडती घेतल्यानंतर धक्कादायक प्रकार समोर आला.
पोलिसांनी बबलू उर्फ इम्तियाज अजीज शहा (वय ३५, रा. काझीबाबा रोड, बाबपुरा चौक, वार्ड नंबर दोन, श्रीरामपूर ता. श्रीरामपूर जि. अहिल्यानगर) व नदीम खान शाबीर खान (वय ३० वर्ष, रा. नागद रोड, चाळीसगाव, जि. जळगाव या दोघांना ताब्यात घेतले. तसेच कारच्या झडतीमध्ये पोलिसांना तीन अवैध अग्निशस्त्र गावठी पिस्टल, १० जिवंत काडतूस, ६ मॅगझिन, २ मोबाईल व इर्टिका कार असा लाखो रुपयांचा मुद्देमाल जप्त केला.
अपर पोलीस अधीक्षक सोमनाथ वाकचौरे यांच्या पथकातील पोलीस कॉन्स्टेबल सतीश पठारे यांनी दिलेल्या फिर्यादीवरून श्रीरामपूर शहर पोलीस ठाण्यात दोन्ही आरोपीविरुद्ध गुन्हा दाखल करण्यात आला असून दोघांनाही अटक करण्यात आली आहे. पोलिसांनी पकडलेल्या आरोपींवर श्रीरामपूर शहर, राहुरी, बंडगार्डन पोलीस स्टेशन पुणे, चाळीसगाव शहर पोलीस ठाण्यात विविध गुन्हे दाखल आहेत.
उपनिरीक्षक रोशन निकम पुढील तपास करत असून ही कारवाई पोलीस अधीक्षक सोमनाथ घार्गे, अपर पोलीस अधीक्षक सोमनाथ वाघचौरे, उपविभागीय पोलीस अधिकारी श्री. जयदत्त भवर, पोलीस निरीक्षक नितीन देशमुख यांच्या मार्गदर्शनाखाली करण्यात आली.
या कारवाईत पोलीस हेड कॉन्स्टेबल रवींद्र चव्हाण, सचिन धनाड, संतोष दरेकर, पोलीस नाईक काका मोरे, अनिल शेंगाळे, रामेश्वर वेताळ, पोलीस कॉन्स्टेबल सतीश पठारे, नितीन शेलार, अजय अंधारे, आरसीपी पथकातील पोलीस कॉन्स्टेबल सचिन शेळके, पोलीस कॉन्स्टेबल गायके, भोई, अहिरे, श्रीरामपूर शहर पोलीस स्टेशनचे सहाय्यक पोलीस निरीक्षक गणेश जाधव, पोलीस उपनिरीक्षक दादाभाई मगरे, रोशन निकम, पोलीस कॉन्स्टेबल संपत बडे आदींचा समावेश होता.
पोलिसांची दमदार कामगिरी : शस्त्र विक्रीसाठी आलेल्या २ आरोपीसह ३ गावठी पिस्टल, १० जिवंत काडतूस, ६ मॅगझिन आणि इर्टिका कारसह तब्बल ‘इतक्या’ लाखाचा मुद्देमाल पकडला
अपर पोलीस अधीक्षक सोमनाथ वाकचौरे यांच्या पथकातील पोलीस कॉन्स्टेबल सतीश पठारे यांनी दिलेल्या फिर्यादीवरून श्रीरामपूर शहर पोलीस ठाण्यात दोन्ही आरोपीविरुद्ध गुन्हा दाखल करण्यात आला असून दोघांनाही अटक करण्यात आली आहे.
