शिर्डीत आज महाविकास आघाडीची या कारणासाठी महत्त्वपूर्ण बैठक

शिर्डी – राज्याचे माजी मंत्री आणि काँग्रेसचे ज्येष्ठ नेते बाळासाहेब थोरात साहेब आणि शिर्डी लोकसभा मतदारसंघाचे खासदार भाऊसाहेब वाकचौरे यांच्या उपस्थितीत शिर्डी नगरपंचायत आणि राहाता नगरपरिषदेच्या आगामी निवडणुकांच्या पार्श्वभूमीवर महाविकास आघाडीच्या सर्व पदाधिकारी आणि कार्यकर्त्यांची एक अत्यंत महत्त्वाची बैठक आज गुरुवारी आयोजित करण्यात आली आहे.

या महत्त्वपूर्ण बैठकीत आगामी शिर्डी आणि राहाता नगरपरिषद निवडणुकांमध्ये महाविकास आघाडीला प्रभावीपणे यश मिळवण्यासाठी रणनीती आखणे, संघनात्मक बांधणी मजबूत करणे आणि कार्यकर्त्यांना निवडणुकीसाठी सज्ज करणे, या प्रमुख विषयांवर सखोल चर्चा व मार्गदर्शन केले जाणार आहे. माजी मंत्री बाळासाहेब थोरात आणि खासदार भाऊसाहेब वाकचौरे हे उपस्थित पदाधिकारी व कार्यकर्त्यांना योग्य दिशा व मार्गदर्शन करतील.

महाविकास आघाडीच्या सर्व घटक पक्षांच्या पदाधिकारी आणि कार्यकर्त्यांसाठी ही बैठक गुरुवारी (दिनांक ६ नोव्हेंबर) सकाळी १०:३० वाजता, हॉटेल शांतीकमल, शिर्डी येथे आयोजित करण्यात आली आहे.

निवडणुकीच्या दृष्टीने ही बैठक अत्यंत महत्त्वाची असल्याने, महाविकास आघाडीच्या सर्व पदाधिकारी व कार्यकर्त्यांनी दिलेल्या वेळेत न चुकता उपस्थित राहावे, असे आवाहन संयोजकांनी केले आहे.