मुंबई, विशेष प्रतिनिधी-
खरात प्रकरणाशी आपला कोणताही संबंध नसल्याचे स्पष्ट करत राष्ट्रवादी महिला काँग्रेसच्या प्रदेशाध्यक्ष रूपाली चाकणकर यांनी अखेर आपल्या पदाचा राजीनामा दिला आहे.
या प्रकरणातील आर्थिक व्यवहार किंवा कोणत्याही गैरकृत्याशी आपला दुरान्वयेही संबंध नसल्याची भूमिका त्यांनी पहिल्या दिवसापासून मांडली असून आजही त्या आपल्या भूमिकेवर ठाम आहेत. पुराव्याविना माध्यमांमधून होत असलेले आरोप वेदनादायक असल्याचे सांगत, भविष्यात सत्य प्रखरतेने समोर येईल असा विश्वास त्यांनी व्यक्त केला आहे.
या प्रकरणाचा तपास पारदर्शक आणि निष्पक्षपणे व्हावा, अशी मागणी चाकणकर यांनी यापूर्वीच मुख्यमंत्री, उपमुख्यमंत्री आणि पोलीस महासंचालकांकडे केली होती. तपासादरम्यान सर्व बाबी स्पष्ट होतीलच, असेही त्यांनी नमूद केले आहे.
आज सकाळी आदरणीय सुनेत्रा पवार यांच्याशी फोनद्वारे झालेल्या चर्चेनंतर त्यांनी आपला राजीनामा देण्याचा निर्णय घेतला असून, सोशल मीडियाच्या माध्यमातून ही माहिती सार्वजनिक केली आहे.
