महाराष्ट्र संवाद न्यूज नेटवर्क
संगणक विषयक सेवा पुरवणाऱ्या व्यावसायिकांच्या कॉम्प्युटर असोसिएशन ऑफ संगमनेर या संस्थेच्या अध्यक्षपदी मोहित मंडलिक, उपाध्यक्षपदी चेतन कोतुळकर तर संस्थेच्या सेक्रेटरीपदी संदीप जोंधळे यांची सर्वानुमते निवड करण्यात आली. 
संस्थेची नुकतीच वार्षिक बैठक पार पडली. या बैठकीत संस्थेच्या नव्या पदाधिकाऱ्यांच्या निवडी जाहीर करण्यात आल्या. संगमनेर शहराचा झपाट्याने विकास होतो आहे. शहरात सुमारे ६० पेक्षा जास्त व्यावसायिक या उद्योगात आहेत. ग्राहकांना योग्य दरात जास्तीत जास्त चांगली सेवा कशी देता येईल याची या बैठकीत चर्चा झाली. 
बैठकीमध्ये ऑनलाइन मार्केटमुळे बाजारात निर्माण झालेली स्पर्धा तसेच ग्राहकांच्या बदलत जाणाऱ्या आवडींविषयी यावर उपाध्यक्ष कोतुळकर यांनी चर्चा केली. तसेच संबंधित व्यावसायिकांनी या संस्थेचे सभासद व्हावे, असे आवाहन उपाध्यक्ष चेतन कोतुळकर यांनी केले. 
विविध सेवांची दर निश्चिती, मुंबई, पुणे, नाशिक असोसिएशन सोबत काम करणे व त्याद्वारे ग्राहकांना सर्वोत्तम सेवा देणे असा नवीन कार्यकारिणीची संकल्प आहे. नव्याने निवडलेल्या पदाधिकाऱ्यांमध्ये किशोर जाधव, सचिन बजाज, रोहित शिंदे, संतोष मंडलिक, अक्षय आहेर, संजय अत्रे, विलास नवले, विक्रम काकड, दत्ता हासे, निलेश कडलग, प्रविण शिंदे यांचा समावेश आहे. 
संस्थेचे माजी अध्यक्ष अनिरुद्ध उपासनी यांनी येणारा काळ त्यातील बदल व्यवसायामध्ये होत असलेले बदल याविषयी मत व्यक्त केले. 
नूतन पदाधिकाऱ्यांचा याप्रसंगी संस्थेच्या वतीने सत्कार करण्यात आला. यावेळी अमोल श्रीपतवाड, गोविंद झवर, विकास लावरे, अशोक दातीर, गोरक्षनाथ शिंदे यांच्यासह संगणक व्यावसायिक मोठ्या संख्येने उपस्थित होते. आभार सेक्रेटरी संदीप जोंधळे यांनी मानले.
या उद्योगात असणाऱ्या व्यावसायिकांना वारंवार प्रशिक्षणाची गरज पडते. अशा प्रकारचे दर्जेदार प्रशिक्षण लवकरच संस्थेमार्फत देण्यात येईल अशी माहिती अध्यक्ष मोहित मंडलिक यांनी याप्रसंगी बोलताना सांगितले.
