महाराष्ट्र संवाद न्यूज
संगमनेर – केवळ सत्तेची लालसा आणि आमिषाला बळी पडून काही लोक मूळ शिवसेना सोडून गेले आहे. ग्रामीण भागातील शिवसैनिकांचे नाव शिवसेनेसोबत जोडलेली आहे. त्यामुळे पक्षाबाहेर जाणाऱ्यांची चिंता करू नका. पक्षाचे संघटन वाढवा, असा सल्ला शिवसेनेचे संगमनेर विधानसभा संपर्कप्रमुख सूर्यकांत शिंदे यांनी शिवसैनिकांना दिला.
संवाद : शिवसेनेच्या संगमनेर विधानसभा मतदार संघाच्या संपर्कप्रमुखपदी नियुक्ती झाल्यानंतर शिंदे शनिवारी संगमनेरमध्ये आले होते. यावेळी त्यांनी पदाधिकाऱ्यांची बैठक घेत त्यांच्याशी संवाद साधला.
यांची होती उपस्थिती : गोंदिया जिल्हा संपर्कप्रमुख नरेश माळवे, उत्तर नगर जिल्हा शिवसेनाप्रमुख मुजीब शेख, तालुकाप्रमुख संजय फड, ज्येष्ठ मार्गदर्शक रावसाहेब गुंजाळ, युवा सेनेचे जिल्हाप्रमुख अमित चव्हाण, युवा सेनेचे शहर प्रमुख गोविंद नागरे, दिव्यांग सेनेचे जिल्हाप्रमुख जालिंदर लहामगे, संगमनेर कृषी उत्पन्न बाजार समितीचे संचालक विजय सातपुते, ग्राहक पक्षाचे उपजिल्हा संघटक प्रवीण कुलट, माजी नगरसेवक सुनील दिवेकर, बाळासाहेब घोडके, सुर्दशन इटप, विकास डमाळे, रंगनाथ फटांगरे, पप्पू कानकाटे, शोएब शेख, राजू सातपुते, वैभव अभंग, संकेत खुळे, निलेश गुंजाळ, सचिन पावबाके, सोहेल पठाण, विलास भोंडवे, सलमान शेख, अक्षय गाडे, प्रकाश क्षत्रिय, शरद पावबाके आदी यावेळी उपस्थित होते.
आगामी निवडणुकात राज्यात पक्षाची ताकद वाढलेली असेल : शिंदे म्हणाले, शिवसेनाप्रमुख बाळासाहेब ठाकरे आणि पक्षप्रमुख उद्धव ठाकरे यांच्या विचारांशी शिवसैनिक कायम जोडले गेले आहेत. ठाकरे यांच्यापेक्षा कुणीही मोठा नाही. ग्रामीण भागातील शिवसैनिकांची मुळ शिवसेनेसोबत नाळ जोडलेली आहे. शिवसेना सोडून गेलेले जर आपल्या साहेबांच्या विचारांची प्रामाणिक असते तर, त्यांनी शिवसेना सोडलीच नसती.
कोरोना काळात मुख्यमंत्री असताना उद्धव ठाकरे यांनी केलेल्या कामाची देशात दखल घेतली गेली. आदित्य ठाकरे यांचा महाराष्ट्र दौऱ्याने संपूर्ण महाराष्ट्रातील युवा शिवसेनेशी जोडला जातो आहे. पक्षात येणाऱ्या युवकांची संख्या अधिक आहे. ग्रामीण भागात शिवसेनेला मोठे बळ मिळते आहे. जुने-नवे शिवसैनिक एकत्र आल्याने निश्चित आगामी सर्वच निवडणुकांमध्ये राज्यात शिवसेनेची ताकद वाढलेली दिसेल.
गोंदिया जिल्हा संपर्कप्रमुख नरेश माळवे यांनी प्रास्ताविक केले. विकास डमाळे यांनी सूत्रसंचलन केले. जिल्हाध्यक्ष मुजीब शेख यांनी आभार मानले. संगमनेर शहर, संगमनेर तालुका शिवसेना, युवा सेना, दिव्यांग सहाय्य सेना आदी अंगीकृत संघटनांचे पदाधिकारी, शिवसैनिक यावेळी उपस्थित होते.
बबनराव घोलप यांना पक्षाने उमेदवारी द्यावी…
पक्ष संघटन वाढवण्यासाठी काम करत असताना माजीमंत्री बबनराव घोलप, संपर्कप्रमुख सूर्यकांत शिंदे यांचे मार्गदर्शन आम्हाला लाभते आहे. शिर्डी लोकसभा मतदारसंघातून शिवसेनेकडून बबनराव घोलप यांना पक्षाने उमेदवारी द्यावी, अशी मागणी शिवसैनिक करत आहेत. संपर्कप्रमुख सुर्यकांत शिंदे यांच्याकडेही तशी मागणी आम्ही करत आहोत.
मुजीब शेख, जिल्हाप्रमुख.
