महाराष्ट्र संवाद न्यूज
संगमनेर – महाराष्ट्र लोकसेवा आयोगाकडून सहाय्यक सरकारी वकील पदासाठी घेण्यात आलेल्या परीक्षेत संगमनेरच्या घुले पाटील असोसिएटच्या ॲड. मनीषा सोनवणे यांनी यश मिळविले.
यांनी मिळविले यश: संगमनेर बार असोसिएशनच्या सदस्य असलेल्या ॲड. मनीषा सोनवणे यांच्यासह ॲड. स्वाती घुले, ॲड. रेश्मा मंडलिक, ॲड. विक्रांत भालेराव, ॲड. भारत काळे, ॲड. शशिकांत माने, ॲड. चंद्रकांत सुपे, ॲड. गणेश अनर्थे व ॲड. अजीज मणियार यांची असिस्टंट पब्लिक प्रोसिक्युटर (सहाय्यक सरकारी वकील) म्हणून निवड झाली आहे.
ॲड. मनीषा सोनवणे या संगमनेर न्यायालयातील ॲड. अनिल घुले यांच्या ज्यूनियर म्हणून काम पाहतात. अथक परिश्रमातून त्यांनी हे यश प्राप्त केल्याचे ॲड. अनिल घुले यांनी महाराष्ट्र संवाद न्यूजशी बोलताना सांगितले. सोनवणे यांचे घुले पाटील असोसिएट तर्फे ॲड. अनिल घुले, ॲड. मिनानाथ शेळके, ॲड. संदीप नलावडे, माधवराव थोरात, वर्षा पवार, वर्षा गुंजाळ आदींनी अभिनंदन केले.
मोठे यश मिळविणारा पहिला वकील संघ: एकाच वेळी नऊ वकिलांची या पदावर नियुक्ती झाल्याने एवढ्या मोठ्या प्रमाणावर यश मिळविणारा संगमनेर वकील संघ राज्यातील पहिला वकील संघ ठरला असल्याचे सांगितले जाते.
यांनी केले अभिनंदन: यश मिळविणाऱ्या सर्व वकिलांचे माजी महसूल मंत्री आमदार बाळासाहेब थोरात, माजी आमदार डॉ. सुधीर तांबे, आमदार सत्यजित तांबे, संगमनेर बार असोसिएशनचे माजी अध्यक्ष ॲड. सुहास आहेर, बार असोसिएशनचे विद्यमान अध्यक्ष ॲड. उदयसिंह ढोमसे पाटील आदींनी अभिनंदन केले आहे.
वकील संघाला गौरवशाली परंपरा…
संगमनेर वकील संघाची एक गौरवशाली परंपरा आहे अनेक न्यायिक अधिकारी आणि सरकारी अभियंता या वकील संघाने दिलेले आहेत. निश्चितपणे संगमनेर वकील संघ आणि संगमनेरकरांसाठी ही अभिमानाची बाब आहे.
ॲड. उदयसिंह ढोमसे पाटील अध्यक्ष.
