महाराष्ट्र संवाद न्यूज
संगमनेर – गुरुवारी संगमनेर कृषी उत्पन्न बाजार समितीमध्ये एक नंबर कांद्याला सर्वाधिक 2500 ते 2965 रुपयांचा बाजारभाव मिळाला. याशिवाय बाजार समितीत मोठ्या प्रमाणात कांद्याची आवक देखील झाली असल्याची माहिती देण्यात आली.
कांद्याला मिळाला हा बाजार भाव: बाजार समितीत झालेल्या कांदा लिलावात चांगल्या दर्जाच्या एक नंबर कांद्याला 2500 ते 2965 रुपयांचा, तर दोन नंबर कांद्याला 2000 ते 2400 रुपयांचा, तीन नंबर कांद्याला 1000 ते 1700 रुपयांचा व गोल्टी कांद्याला 175 ते 900 रुपये भाव मिळाला आहे.
डाळिंबाची मोठी आवक: डाळिंबाचे देखील बाजार समितीत मोठ्या प्रमाणात आवक झाली असून एक नंबर डाळिंबास प्रति किलो 145 ते 200 रुपयांचा, दोन नंबर डाळिंबास 115 ते 135 रुपयांचा, तीन नंबर डाळिंबास 75 ते 95 रुपयांचा व चार नंबर डाळिंबास 20 ते 25 रुपयांचा भाव मिळाला.
आवाहन: टोमॅटोला देखील तीनशे ते आठशे रुपये पर्यंतचा भाव मिळाला असल्याची माहिती देण्यात आली असून शेतकऱ्यांनी आपला शेतमाल संगमनेर कृषी उत्पन्न बाजार समितीमध्ये विक्रीसाठी आणण्याचे आवाहन बाजार समितीचे सभापती शंकरराव खेमनर सचिव सतीश गुंजाळ यांनी केले.
