महाराष्ट्र संवाद न्यूज
संगमनेर – काँग्रेस नेते आमदार बाळासाहेब थोरात यांच्या मार्गदर्शनाखाली अकलापूर देवस्थान विकासाकरिता जिल्हा परिषदेअंतर्गत 65 लाख रुपयांची कामे मार्गी लागली असून अकरा लाखाच्या निधीतून अद्यावत व्यासपीठ निर्माण केले जाणार असल्याची माहिती जिल्हा परिषदेचे माजी सदस्य अजय फटांगरे यांनी दिली.
फटांगरे म्हणाले, श्री दत्त देवस्थान अकलापूर हे पठार भागासह जुन्नर व संगमनेर तालुक्यातील भाविकांचे श्रद्धास्थान आहे. या देवस्थानच्या विकासाकरता काँग्रेस विधिमंडळ पक्षाचे नेते आमदार बाळासाहेब थोरात यांच्या मार्गदर्शनाखाली जिल्हा परिषदेच्या माध्यमातून 65 लाख रुपयांचा निधी उपलब्ध झाला. या निधीमधून देवस्थानकडे येण्याकरता रस्ते, पेव्हींग ब्लॉक इत्यादी कामे करण्यात आली.
स्वतंत्र व्यासपीठ: याचबरोबर सहकारातील दीपस्तंभ सहकार महर्षी भाऊसाहेब थोरात यांच्या नावाने जिल्हा परिषदेच्या 11 लाख रुपये निधीमधून अद्यावत असे सभागृहाचे व्यासपीठ स्वतंत्र व्यासपीठ तयार करण्यात आले आहे.
यांनी केला पाठपुरावा: देवस्थानच्या सुशोभीकरण कामासाठी आमदार बाळासाहेब थोरात, आमदार डॉ. किरण लहामटे, माजी आमदार डॉ. सुधीर तांबे, आमदार सत्यजित तांबे, यशोधन कार्यालयाचे प्रमुख इंद्रजीत थोरात यांनी सातत्याने पाठपुरावा करून या कामी निधी मिळून देण्यासाठी मोठी मदत केली आहे.
आणखी वीस लाखाचा निधी मिळणार: नव्याने पर्यटन विकासांतर्गत विधान परिषद सदस्य आमदार सत्यजित तांबे यांच्या पाठपुराव्यातून 20 लाख रुपयांचा निधी उपलब्ध होणार आहे. या निधीमधूनही बैठक व्यवस्था पेविंग ब्लॉक, स्ट्रीट लाईट, पिण्याच्या पाण्याची व्यवस्था याच्यासह विविध सुशोभीकरणाची कामे करण्यात येणार आहे.
व्यवसाय वाढीला मिळणार गती: देवस्थानच्या विविध कामांमुळे अध्यात्म क्षेत्राबरोबर पर्यटनाची ही मोठे क्षेत्र अकलापूर येथे निर्माण झाले आहे. यामुळे व्यवसाय वाढीलाही गती मिळणार आहे. या क्षेत्राच्या विविध विकास कामांकरिता निधी मिळून दिल्याबद्दल काँग्रेस नेते आमदार बाळासाहेब थोरात, आमदार सत्यजित तांबे व जिल्हा परिषद सदस्य अजय फटांगरे यांचे अकलापूर देवस्थान विश्वस्त मंडळ व अकलापूर ग्रामस्थांच्यावतीने अभिनंदन करण्यात आले.
