महाराष्ट्र संवाद न्यूज
संगमनेर – दोन रुपयासाठी एसटी कंडक्टर सोबत हूज्जत घालने तिघा तरुणांना चांगलेच महागात पडले आहे. संगमनेरच्या जिल्हा व अतिरिक्त सत्र न्यायालयाने या तिघा तरुणांना तीन महिने कारावास आणि 21 हजार रुपये दंडाची शिक्षा ठोठावली.
यांना झाली शिक्षा: सोमेश उर्फ सोमनाथ सुखदेव बोंबले, शुभम सुखदेव बोंबले व शुभम पांडुरंग गुंजाळ अशी न्यायालयात गुन्हा सिद्ध झालेल्या तिघा आरोपींची नावे आहेत. या तिघांविरोधात संगमनेरच्या जिल्हा अतिरिक्त सत्र न्यायालयात न्यायाधीश योगेश मनाठकर यांच्यासमोर खटला सुरू होता. सरकार पक्षाच्यावतीने ॲड. बी. जी. कोल्हे यांनी काम बघितले.
अशी होती घटना: 11 जून 2016 रोजी संगमनेर-साकुर या बसमधून प्रवास करणाऱ्या एका तरुणाने साकुर फाट्यापर्यंतची दोन तिकिटे कंडक्टरकडून घेतली. या बदल्यात त्याने कंडक्टरला 44 रुपये दिले होते. सदर तिकिटाची रक्कम 46 रुपये होत असल्याने कंडक्टरने अतिरिक्त दोन रुपयांची मागणी या तरुणाकडे केली असता त्याने पैसे खाली उतरताना देतो असे सांगत कंडक्टर किसन श्रीहरी घुमरे यांच्याशी वाद घातला. बस मधून प्रवास करणाऱ्या या दोघा तरुणांनी आणखी एका तरुणाला साकुर फाट्यावर बोलावून घेतले होते.
कंडक्टरला केली लाथा बुक्क्याने मारहाण: साकुर फाट्यावर उतरताना दोन रुपयावरून या तरुणांनी कंडक्टर सोबत हूज्जत घातली. तिघा तरुणांनी कंडक्टर घुमरे यांना बस बाहेर काढत लाथाबुक्याने बेदम मारहाण केली. तसेच त्यांच्या हातातील तिकिटाचे मशीन सोडले खिशातील पैसे उधळून लावले यात घुमरे यांच्याकडे 893 रुपये का झाले होते तसेच युनिफॉर्मचे नुकसान झाले होते. घटनास्थळावरून तिघेही करून शिवीगाळ करत निघून गेले.
घारगाव पोलीस ठाण्यात गुन्हा: या संदर्भात किसन घुमरे यांनी घारगाव पोलीस ठाण्यात सोमेश उर्फ सोमनाथ बोंबले याच्यासह आणखी दोघा तरुणांविरुद्ध दिलेल्या तक्रारीवरून भारतीय दंड विधानसहिता कलम 353, 323, 504, 506, 427 प्रमाणे गुन्हा दाखल केला होता.
न्यायालयात काय घडले: न्यायालयात सरकार पक्षातर्फे ॲड. बी. जी. कोल्हे यांनी पाच साक्षीदारांच्या साक्षी न्यायालयासमोर नोंदविल्या. फिर्यादी व तपास अधिकाऱ्यासह चौघांच्या साक्षी या खटल्यात महत्त्वपूर्ण ठरल्या. सरकार पक्ष आणि आरोपींच्या वकिलांचा युक्तिवाद ऐकल्यानंतर न्यायाधीश मनाठकर यांनी तिन्ही आरोपींना दोषी ठरवत शिक्षा सुनावली.
यांचीही झाली मदत : आरोपींना शिक्षा व्हावी यासाठी साक्षीदारांना योग्य साक्ष देण्यासाठी सरकारी वकील कोल्हे यांना पैरवी अधिकारी पोलीस हेड कॉन्स्टेबल प्रवीण डावरे, पोलीस हेडकॉन्स्टेबल रामभाऊ भुतांबरे, महिला पोलीस कॉन्स्टेबल दिपाली दवंगे, प्रतिभा थोरात, स्वाती नायकवाडी, नयना पंडित यांची मदत झाली.
