महाराष्ट्र संवाद न्यूज
संगमनेर – संगमनेर महाविद्यालयाचे प्राचार्य डॉ. अरुण गायकवाड व उपप्राचार्य डॉ. रवींद्र ताशीलदार यांच्यासह संगमनेर महाविद्यालयामधील 31 जणांचा एचडी सायंटिफिक इंडेक्स 2023 मध्ये समावेश झाल्याची माहिती देण्यात आली आहे.
क्रमवारी जाहीर: जागतिक पातळीवरील संशोधकांची क्रमवारी “ए.डी.सायंटिफिक इंडेक्स -२०२३ नुकतीच जाहीर करण्यात असून जागतिक संशोधकांच्या अद्ययावत क्रमवारीत संगमनेर महाविद्यालयातील संशोधकांचा मोठ्या संख्येने समावेश झाला आहे.
निकष: अमेरिकेतील मिशिगन विद्यापिठातील प्रा. मुरत आल्पर व प्रा. सिहान डॉ. जर संयुक्तपणे ‘आल्पर डॉ. जर सायंटिफिक इंडेक्स’ तथा ‘ए.डी. सायंटिफिक इंडेक्स विश्लेषित केला आहे. त्यासाठी गुगल स्कॉलरवरील संशोधकांचा गेल्या पाच वर्षातील एच इंडेक्स, आय-टेन इंडेक्स निर्देशांक व सायटेशन स्कोअर याचे विश्लेषण केले.
अभिमान व गौरवाची बाग: ५५ देश व १० हजार ८८६ विद्यापीठे आणि ४ लाख ४ हजार २२८ शास्त्रज्ञांच्या संशोधकीय कामगिरीचे विश्लेषण करुन एच इंडेक्स, आय १० इंडेक्स आणि सायटेशन आदी शास्त्रीय निकषांवर व्यक्ती, संस्थांची उत्पादकता आणि कार्यक्षमता यांचे मूल्यांकन केले गेले. व्यापक स्तरावर घेतलेल्या क्रमवारीमध्ये ‘अ+’ मानांकित महाविद्यालयातील संशोधकांचा समावेश होणे ही अभिमानाची व गौरवाची बाब असल्याचे नमूद केले. यापुढील काळातही संशोधकांनी आपले संशोधन कार्य अधिक जोमाने करीत राहण्याचे आवाहन महाविद्यालयातील संशोधकांना केले.
ए.डी. सायंटिफिक इंडेक्समध्ये स्थान मिळविणाऱ्या संशोधकांची नावे…
रसायनशास्त्र – डॉ. एम. आर. भोये, डॉ. एन. डी. फटांगरे, डॉ. आर. एस. ओझा, डॉ. एस. एस. पानसंबळ, डॉ. टी. आर. गजे, डॉ. एस. सी. भिसे, डॉ. जी. जे. हासे, डॉ. एम. एस. मोरे, डॉ. डी. बी. गुजराथी, डॉ. के. के. देशमुख.
वनस्पतीशास्त्र – डॉ. एस. डी. जाधव, डॉ. पी. बी. रोयालावर, डॉ. एम. एस. खाडे, प्रा. ए. डी. पडवळ
प्राणीशास्त्र – डॉ. व्ही. व्ही. भवरे, डॉ. एस. एस. बोरगावे, डॉ. एस. ए. पिंगळे, डॉ. आर. व्ही. भागडे, कु. पी. एस. बाप्ते (संशोधक विद्यार्थिनी)
भौतिकशास्त्र – डॉ. पी. पी. बर्दापूरकर, डॉ. एस. आर. नवले, डॉ. पी. के. बाविसकर.
इंग्रजी – उपप्राचार्य डॉ. आर. बी. ताशिलदार, डॉ. डी. एम. घोडके.
वाणिज्य – प्राचार्य प्रो. डॉ. ए. एच. गायकवाड, डॉ. एल. बी. मालुसरे.
भुगोल – डॉ. आर. डी. गायकवाड, डॉ. एस. बी. नवले, डॉ. एस. पी.आहेर.
गणित – प्रा. यु. डी. खर्डे
अभिनंदन: महाविद्यालयातील संशोधकांची नांवे जागतिक पातळीवरील संशोधकांची क्रमवारी ” ए. डी. सायंटिफिक इंडेक्स -२०२३ मध्ये आल्याने शिक्षण प्रसारक संस्थेचे अध्यक्ष प्रकाश क्षत्रिय, कार्याध्यक्ष, डॉ. संजय मालपाणी, सचिव डॉ. अनिल राठी, जनरल सेक्रेटरी सीए नारायण कलंत्री, खजिनदार राजकुमार गांधी आदींनी अभिनंदन केले.
