महाराष्ट्र संवाद न्यूज
संगमनेर – आपली भाषा समृध्द असली की जाणीवा समृध्द होतात. संगमनेर महाविद्यालयातर्फे चालवल्या जाणाऱ्या पदव्युत्तर पदविका पत्रकारिता अभ्यासक्रमाच्या माध्यमातून केवळ पत्रकारितेचे विविध पैलूंच शिकविले जात नाहीत तर जाणीवा समृध्द केल्या जातात, असे प्रतिपादन शिक्षण प्रसारक संस्थेचे कार्याध्यक्ष डॉ. संजय मालपाणी यांनी केले.
यांची उपस्थिती: संगमनेर महाविद्यालयाच्यावतीने चालवल्या जाणाऱ्या पुणे विद्यापीठाच्या पत्रकारिता अभ्यासक्रमाच्या गुणवंत विद्यार्थ्यांच्या सत्कार सोहळ्यात मालपाणी बोलत होते. यावेळी व्यासपीठावर उद्योजक कैलास सोमाणी, महाविद्यालयाचे कार्यकारणी सदस्य मधुसूदन नावंदर, महाविद्यालयाचे प्राचार्य प्रो. अरूण गायकवाड, पत्रकारिता अभ्यासक्रमाचे प्रमुख डॉ. संतोष खेडलेकर उपस्थित होते.
मालपाणी म्हणाले, संगमनेर महाविद्यालयात मागील बारा वर्षांपासून चालविल्या जाणाऱ्या या अभ्यासक्रमात विद्यार्थी, गृहिणी, डॉक्टर्स, पत्रकार, उद्योजक, व्यापारी, शिक्षक, सरकारी अधिकारी अशा विविध स्तरात कार्यरत मराठी भाषाप्रेमी सहभागी होतात व भाषेच्या विविध पैलूंचा अभ्यास करतात.
उद्योजक कैलास सोमाणी म्हणाले, लोकशाहीचा चौथा स्तंभ असलेल्या पत्रकाराची जबाबदारी फार मोठी असते. हा अभ्यासक्रम पूर्ण करून बाहेर पडलेल्या पत्रकारांनी समाजातल्या विविध स्तरातील नागरिकांचे हित जोपासणारी पत्रकारिता करावी.
प्राचार्य गायकवाड म्हणाले, संगमनेर महाविद्यालयातील पुणे विद्यापीठाचा पत्रकारिता अभ्यासक्रम हा महाविद्यालयाच्या लौकिकात भर घालणारा विभाग आहे. यावेळी डॉ. संतोष खेडलेकर यांच्यासह गुणवंत विद्यार्थ्यांची भाषणे झाली.
यांचा झाला सत्कार: डॉ. किरण चांडक, नीतिन सूर्यवंशी, अविनाश बोधक, भाऊसाहेब कोटकर, संजय अहिरे, साईसुधा बच्चा, मंगल पेटकर, स्वप्नाली भुतडा-तापडे, अमोल गवांदे, अरविंद गाडेकर, दत्ता शेणकर, मिलिंद औटी, वृषाली कासट, बाळासाहेब बिन्नर, शाम कुलकर्णी आदींचा सत्कार करण्यात आला.
कार्यक्रमाचे संयोजन आणि सूत्रसंचालन पत्रकारिता अभ्यासक्रमाचे समन्वयक प्रा. सुशांत सातपुते यांनी केले.
पत्रकारिता अभ्यासक्रमासाठी प्रवेश सुरू…
विद्यार्थ्यांबरोबरच व्यावसायिक, नोकरदार यांच्या सुविधेसाठी दर रविवारी सकाळी संगमनेर महाविद्यालयात चालविल्या जाणाऱ्या पत्रकारिता अभ्यासक्रमासाठी कोणत्याही शाखेचे पदवीधर प्रवेश घेऊ शकतात. इच्छुकांनी प्रा. सुशांत सातपुते यांच्याशी कार्यालयीन वेळेत 9766760926 या क्रमांकावर संपर्क साधावा असे आवाहन प्राचार्य डॉ. अरूण गायकवाड यांनी केले आहे.
