महाराष्ट्र संवाद न्यूज
संगमनेर – संगमनेर वकील सेवा सहकारी संस्थेच्या अध्यक्षपदी ॲड. दिलीप साळगट व उपाध्यक्षपदी ॲड. जनार्दन वाळुंज यांचे बिनविरोध निवड करण्यात आली.
यांच्या उपस्थितीत निवड: वकील सेवा संस्थेच्या अध्यक्ष, उपाध्यक्ष यांची निवड करण्यासाठी मंगळवारी (ता. १२ सप्टेंबर) संचालक मंडळाची बैठक बोलविण्यात आली होती. यावेळी संचालक ॲड. श्रीकांत उर्फ बापूसाहेब गोंगे, ॲड. सुनील सराफ, ॲड. पोपटराव शिंदे, ॲड. दीपक थोरात, ॲड. विजयानंद पगारे, ॲड. मोहनराव फटांगरे, ॲड. बाबासाहेब गायकर, ॲड. सचिन डुबे, ॲड. सीमा काळे, ॲड. मीना डोंगरे यांच्यासह सचिव संजय भंडारी उपस्थित होते.
यांनी मांडली नावांची सूचना: बैठकीवेळी अध्यक्षपदासाठी ॲड. दिलीप साळगट यांच्या नावाची सूचना ॲड. बापूसाहेब गोंगे यांनी मांडली. तर ॲड. दीपक थोरात यांनी अनुमोदन दिले. उपाध्यक्षपदासाठी ॲड. जनार्दन वाळुंज यांच्या नावाची सूचना ॲड. विजयानंद पगारे यांनी मांडली तर ॲड. सचिन डुबे यांनी अनुमोदन दिले. दोघांच्याही निवडी बिनविरोध पार पडल्या.
जनता व वकिलांची सोय: संचालक मंडळाच्या देखरेखीखाली संस्थेचा कारभार उत्तम रीतीने सुरू असून तालुक्यातील जनतेची व वकिलांची यामुळे सोय झाली आहे. संस्था अल्पवधीतच नावारुपास आली असल्याचे ॲड. वाळुंज यांनी म्हटले आहे.
अभिनंदन: नवनिर्वाचित अध्यक्ष साळगट व उपाध्यक्ष वाळुंज यांच्यासह संचालक ॲड. सुनील सराफ, ॲड. दीपक थोरात, ॲड. श्रीकांत गोंगे, ॲड. पोपटराव शिंदे, ॲड. तात्यासाहेब गुंजाळ, ॲड. बाबासाहेब गायकर, ॲड. विजयानंद पगारे, ॲड. सचिन डुबे, ॲड. सीमा काळे, ॲड. मीना डोंगरे यांचे वकील संघाचे अध्यक्ष ॲड. उदयसिंह ढोमसे पाटील, उपाध्यक्ष ॲड. अतुल पवार यांच्यासह वकील संघाच्या सदस्यांनी व वकील बांधवांनी अभिनंदन केले.
