महाराष्ट्र संवाद न्यूज
संगमनेर – संगमनेर तालुक्यातील दुरुस्तीसाठी सर्वसाधारण जिल्हा वार्षिक योजनेतून दीड कोटी रुपयांचा निधी मंजूर झाला असल्याची माहिती सहकार महर्षी भाऊसाहेब थोरात सहकारी साखर कारखान्याचे संचालक इंद्रजीत थोरात यांनी दिली.
थोरात म्हणाले, लोकप्रतिनिधींच्या प्रयत्नातून त्यांनी सुचविलेल्या कामांसाठी सरकारच्या माध्यमातून निधी मिळवत संगमनेर तालुक्यातील वाडी-वस्तीवर विकासाच्या योजना राबविल्या जात आहे. माजी मंत्री आमदार बाळासाहेब थोरात यांच्या नेतृत्वाखाली संगमनेर तालुक्यात विकास योजनांचा वेग सातत्याने मोठा राहिला आहे.
रस्ते विकास व मजबुतीकरण: क्षेत्रफळाने मोठे असलेल्या संगमनेर तालुक्यातील 171 गावे व 250 च्या पुढे वाड्या-वस्त्या आहेत. यातील विविध गावांमधील रस्त्यांच्या दुरुस्तीसाठी स्थानिक लोकप्रतिनिधींनी सुचविलेल्या व पाठपुरावा केलेल्या कामांसाठी हा निधी उपलब्ध झाला आहे. निधीतून गावांमधील ग्रामीण रस्ते विकास व मजबुतीकरण केले जाणार आहे.
या कामांचा आहे समावेश…
या अंतर्गत धांदरफळ बुद्रुक ग्रा.मा.169 ते रामेश्वर मंदिर धांदरफळ बुद्रुक रस्ता मजबुतीकरण व डांबरीकरण करणेसाठी 30 लाख रूपये, कासारा दुमाला ग्रा. मा.219 अकोले नाका ते मालपाणी हेल्थ ते कासारा दुमाला रस्ता मजबुतीकरण व डांबरीकरण करणेसाठी 50 लाख रूपये, खरशिंदे ग्रा.मा.57 ते खरशिंदे रस्ता मजबुतीकरण व डांबरीकरण करणेसाठी 20 लाख रूपये, जवळे कडलग इजिमा – 33 जवळे कडलग ते चिखली ग्रा.मा. 264 रस्ता मजबुतीकरण व डांबरीकरण करणेसाठी 30 लाख रूपये, डिग्रस ग्रा.मा. 64 बुवाजीबाबा मंदिर ते डिग्रस रस्ता मजबुतीकरण व डांबरीकरण करणेसाठी 20 लाख रूपये.
आमदार बाळासाहेब थोरात यांनी पाठपुरावा केलेली ही कामे तातडीने सुरू होणार असल्याने धांदरफळ बुद्रुक, कासारा दुमाला, खरशिंदे, जवळे कडलग, डिग्रस या परिसरातील नागरिकांनी थोरात यांचे अभिनंदन केले.
