महाराष्ट्र संवाद न्यूज
संगमनेर – ऊस तोडणी करून कारखान्याच्या कार्यस्थळावर ऊस पोहोचविण्याचा ठेका घेतलेल्या ठेकेदाराने करारनाम्यानुसार काम केले नाही. त्यामुळे अनामत म्हणून घेतलेल्या रकमेचा धनादेश त्याने कारखान्यात दिला होता हा धनादेश न वाटल्याने संगमनेरच्या न्यायालयाने ठेकेदाराला एक वर्षाच्या कारावासाची शिक्षा ठोठावली आहे.
शिक्षा: शांताराम दामू गवांदे असे शिक्षा झालेल्या ठेकेदार आरोपीचे नाव असून गवांदे याला एक वर्षाच्या साध्या कारावासाची शिक्षा, तीन लाख दहा हजार रुपये दंड व दंड न भरल्यास चार महिन्याच्या साध्या कारावासाची शिक्षा अतिरिक्त मुख्य न्यायदंडाधिकारी डी. एम. गिरी यांनी ठोठावली आहे.
काय होती घटना: आरोपी शांताराम दामू गवांदे या ठेकेदाराने संगमनेर तालुक्यातील कौठे मलकापूर येथील श्री. गजानन महाराज शुगर लिमिटेड (पुर्वीचे नांव युटेक शुगर लिमिटेड) या साखर कारखान्याच्या सन २०१७-२०१८ च्या गळीत हंगामासाठी ऊस तोडणी व त्याची कारखाना कार्यस्थळापर्यंत वाहतूक करण्याचा ठेका घेतला होता. तसा करार हे त्याने कारखान्याच्या लाभात लिहून दिला होता. त्या पोटी त्याने कारखान्याकडून अनामत म्हणून तीन लाख रुपये घेतले.
चेक बाउन्स: मात्र अनामत रक्कम घेऊनही ठेकेदार कामावर हजर झाला नाही. त्यामुळे कारखान्याने ठेकेदार शांताराम दामू गवांदे यांच्याकडे अनामत रकमेची मागणी केली असता गवांदे याने कारखान्याला त्याच्या खात्याचा तीन लाख रुपयांचा धनादेश दिला होता. मात्र बँकेत हा धनादेश वटला नाही त्यामुळे कारखान्याला रक्कम मिळू शकली नाही.
या न्यायालयात सुनावणी: कारखान्याने शांताराम गवांदे यांच्या विरोधात संगमनेरच्या न्यायालयात निगोशिएबल इन्स्ट्रुमेंटस ॲक्ट कलम १३८ प्रमाणे फिर्याद दाखल केली होती. न्यायाधीश डी. एम. गिरी यांच्यासमोर या खटल्याची सुनावणी झाली.
गुन्हा सिद्ध: न्यायालयात आरोपी ठेकेदार शांताराम गवांदे यांच्या विरोधात गुन्हा सिद्ध झाला. त्यामुळे न्यायालयाने गवांदे आला १२ महिने साधी कैद तसेच रु. ३,१०,०००/- दंड इतकी शिक्षा ठोठावली. तसेच दंड न भरल्यास ४ महिने साध्या कारावासाची शिक्षा सुनावली.
कारखान्याच्यावतीने यांनी बघितले काम: तसेच दंड रकमेतून फिर्यादी यांना चेकची रक्कम रु. ३ लाख नुकसान भरपाई देण्यासंबंधी आदेश पारीत केला. कारखान्याच्यावतीने खटल्याचे कामकाज ॲड. श्रीकांत एच. गोंगे यांनी पाहिले.
