महाराष्ट्र संवाद न्यूज
स्वररंग युवक महोत्सवमध्ये सहकारमहर्षी भाऊसाहेब संतूजी थोरात महाविद्यालयातील विद्यार्थ्यांनी विविध कला प्रकारात सहभाग घेऊन ९ कला प्रकारात यश संपादन केले.
सावित्रीबाई फुले पुणे विद्यापीठ, विद्यार्थी विकास मंडळामार्फत स्वररंग या विभागीय युवक महोत्सवाचे आयोजन करण्यात येते. या महोत्सवातून विद्यार्थ्यांना त्यांच्यातील विविध कला अविष्कार सादर करण्याची संधी मिळते.
या महोत्सवात सहभागी होणाऱ्या विद्यार्थी कलावंताना आगामी राज्यस्तरीय, राष्ट्रीय व आंतरराष्ट्रीय युवक महोत्सवाकरिता सावित्रीबाई फुले पुणे विद्यापीठाच्या माध्यमातून संधी दिली जाते. या युवक महोत्सवातून अनेक नामवंत कलाकार तयार होऊन त्यांना आंतरराष्ट्रीय ख्याती प्राप्त झालेली आहे.
समूह गीत गायनमध्ये समृद्धी अभंग, कार्तिक सोनवणे, प्रथमेश बिडवे, आदित्य साळवे, संज्योत कोल्हे, कावेरी बोऱ्हाडे यांना प्रथम क्रमांक, मेहंदीमध्ये शेख अक्सा प्रथम क्रमांक, स्वरवाद्य सनई वादन प्रथमेश बिडवे द्वितीय क्रमांक, एकपात्री अभिनय सायली गायकवाड द्वितीय क्रमांक, माती कला प्रिया जाधव तृतीय क्रमांक, वैयक्तिक सुगम गीत समृद्धी अभंग तृतीय क्रमांक, उपशास्त्रीय गीत गायन समृद्धी अभंग तृतीय क्रमांक, कात्रण कला ऋतुजा पोकळे तृतीय क्रमांक, मांडणी कला तेजस महाले, सार्थक महाले, ओम नवले तृतीय क्रमांक याप्रमाणे विद्यार्थ्यांनी यश संपादन केले.
या सर्व सहभागी व यशस्वी विद्यार्थ्यांचे महाराष्ट्र राज्याचे माजी महसूल मंत्री आमदार बाळासाहेब थोरात, सह्याद्री बहुजन विद्या प्रसारक समाज संस्थेचे अध्यक्ष माजी आमदार डॉ. सुधीर तांबे, आमदार सत्यजीत दादा तांबे, माजी नगराध्यक्ष दुर्गाताई तांबे, कॅन्सरतज्ञ डॉ. जयश्रीताई थोरात, सेक्रेटरी लक्ष्मणराव कुटे, सहसचिव दत्तात्रय चासकर, रजिस्ट्रार बी.आर.गवांदे, महाविद्यालायचे प्राचार्य डॉ. दिनानाथ पाटील, उपप्राचार्य प्रो. डॉ. बाळासाहेब वाघ, उपप्राचार्य डॉ. विलास कोल्हे, आय.क्यू.ए.सी.समन्वयक डॉ. लक्ष्मण घायवट, कार्यालय अधिक्षक गोरक्षनाथ पानसरे, सर्व विभाग प्रमुख, प्राध्यापक, शिक्षकेत्तर सेवक वृंद, विद्यार्थी आदींनी अभिनंदन करून शुभेच्छा दिल्या.
सदर स्पर्धेकरिता विद्यार्थी कल्याण अधिकारी प्रा. जयराम डेरे, कला मंडळ प्रमुख प्रा. तुळशीराम जाधव यांचे मार्गदर्शन लाभले. या स्पर्धेसाठी प्रा. नानासाहेब गुंजाळ व कला मंडळातील सर्व सदस्यांनी परिश्रम घेतले.
