महाराष्ट्र संवाद न्यूज
कळस – हिंदु तरुणांना धर्मरक्षणासाठी एकत्र करण्याचे काम देवस्थानांनी केले पाहिजे. यासाठी व्यायामशाळा व वाचनालय सुरु करावे. तेच युवक आपले मंदिरे वाचवतील, असे मत कालीचरण महाराज यांनी व्यक्त केले.
कळस बुद्रुक येथील कळसेश्वर देवस्थान येथील प.पू. सुभाष पुरी महाराज व माता वैष्णवी देवी दर्शन घेण्यासाठी आले. त्यावेळी कालीचरण महाराज यांनी भाविकांशी संवाद साधला.
कळसेश्वर टेकडीचा प.पू. सुभाष पुरी महाराज यांनी केलेला कायापालट पाहून कालीचरण महाराज भारावले. यावेळी ईश्वरदास महाराज, ट्रस्टचे अध्यक्ष विठ्ठल महाराज वाकचौरे, सरपंच राजेंद्र गवांदे, भाजप सरचिटणीस भाऊसाहेब वाकचौरे पाटील, सचिव गोपीनाथ पाटील ढगे, ट्रस्टचे उपाध्यक्ष विष्णु वाकचौरे, विश्वस्त प्रदीप वाकचौरे आदी उपस्थित होते.
कालीचरण महाराज म्हणाले, मुस्लिमांची लोकसंख्या वाढल्यानंतर आपली देवस्थान राहणार नाही. यापूर्वी पाच लाख मंदिरे फोडली आहेत. आताची मंदिरे वाचवण्यासाठी हिंदूत्ववादी संघटना निर्माण केल्या पाहिजे. युवकांची धडधाकट फळी निर्माण केली पाहिजे. त्यांना व्यायामाची सवय लावली पाहिजे. यासाठी देवस्थानांनी व्यायामशाळा निर्माण करणे आवश्यक आहे.
देवस्थानच्या वाचनालयात कट्टर हिंदूची पुस्तके ठेवली पाहिजे. ज्ञानसंवर्धन करण्याचे काम केले पाहिजे, सर्वांना धर्माचे शिक्षण दिले पाहिजे. हिंदू मतदानासाठी बाहेर पडत नाही. असेही मत त्यांनी व्यक्त केले.
माझे गुरु अगस्त महाराज आहेत. त्यांनी मला दर्शन दिले आहे. अकोले तालुका गुरुस्थानाला आहे. अगस्ती महाराज देवस्थान हे साडेसात हजार वर्षाचे पुरातन हे ठिकाण आहेत. तर कळसचे मंदिर पाच हजार वर्षाचे आहे. युवकांचे शिबीर आयोजित करायचे असून त्यासाठी कळसेश्वर देवस्थानची निवड करू असे मतही त्यांनी व्यक्त केले.
कळसेश्वर देवस्थानावरील वैष्णवी देवीची विलोभनीय मूर्तीला पाहून लोटांगण घालून दर्शन घेतले. अखंड पेटत्या धुनीला वंदन करताना तिची रक्षा कपाळी लावली. त्यांनी सुभाष पुरी महाराज यांनी केलेल्या वृक्ष संवर्धनाच्या कामाची स्तुती केली.
राहुल वाकचौरे, राजेंद्र खताळ, विवेक वाकचौरे, स्वप्नील मेमाणे, राजाभाऊ वाकचौरे, पुरुषोत्तम सरमाडे, अभिषेक वाकचौरे, ओम वाकचौरे, राम शेटे आदी यावेळी उपस्थित होते.
