महाराष्ट्र संवाद न्यूज –
लोणी, दि. ७ डिसेंबर
पोलीस पथकासह बेकायदेशीर कत्तलखान्यावर कारवाई करण्यासाठी गेलेल्या प्राणी कल्याण समितीच्या अधिकाऱ्यांवर पिस्टलने फायरिंग करत गोरक्षक दलाच्या कार्यकर्त्यास जीवे मारण्याचा प्रयत्न करणाऱ्या १६ जणांवर लोणी पोलीस ठाण्यात विविध कलमांतर्गत गुन्हा दाखल करण्यात आला आहे.
बुधवारी संध्याकाळी घडलेल्या या घटने संदर्भात गुरुवारी पोलीस ठाण्यात गुन्हा दाखल करण्यात आला आहे. राज्याचे महसूल मंत्री राधाकृष्ण विखे पाटील यांच्या राहाता तालुक्यात ही घटना घडली. या संदर्भात प्राणी कल्याण समिती मुंबई हायकोर्ट महाराष्ट्र शासन या संस्थेत अधिकारी असलेल्या अप्पासाहेब बाबासाहेब नाईकवाडे (वय 39 वर्ष, रा. राहुरी) यांच्या फिर्यादीवरून नियाज कुरेशी, सद्दाम कुरेशी, अरबाज कुरेशी, नजीम कुरेशी, साजिद कुरेशी, वसीम कुरेशी, समीर कुरेशी, आजीम शहा, शाकीर शहा, जतीफ कुरेशी, मुनीर कुरेशी, इमरान अब्दुल हक शेख, अन्सार इब्राहिम शेख, नाझीम फकीर मोहम्मद शेख, मुदतसर यासीन शेख, हुसेन फकीर मोहम्मद शेख (सर्व रा. ममदापूर, ता. राहाता) या 16 जणांविरोधात गुन्हा दाखल करण्यात आला आहे.
यासंदर्भात अधिक माहिती अशी, लोणी बाजारातून ममदापूर येथील काही कसायांनी बेकायदा कत्तलीसाठी जनावरांची खरेदी केल्याची माहिती मिळाल्याने प्राणी कल्याण समितीचे आप्पासाहेब नाईकवाडे यांनी याची माहिती शिर्डीचे पोलीस उपाधीक्षक मिटके यांना माहिती दिल्यानंतर मिटके यांनी पोलीस हवालदार इरफान शेख अशोक शिंदे श्याम जाधव यांना कारवाई करण्याचे आदेश दिले होते.
पोलिसांना कारवाईचे ठिकाण दाखविण्यासाठी आप्पासाहेब नाईकवाडे यांच्यासह गोरक्षक दलाचे ईश्वर टिळेकर साईराज बेंद्रे बुधवारी संध्याकाळी सहा वाजता ममदापूर गावात कुरेशी मोहल्लाच्या मागे असलेल्या ठिकाणी गेले होते. या ठिकाणी गोवंश जनावरे कत्तलीसाठी बांधून ठेवले असल्याचे दिसून आले तसेच बाजूच्या हौदात गोमांसाचे तुकडे हाडे तसेच दोन जनावरांचे कत्तल केल्याचे दिसून आले. कत्तलीसाठी बांधून ठेवलेली जनावरे सोडत असताना तेथे जमलेल्या वरील आरोपींनी जमा जमवत पथकावर हातात कोयते तलवारी काट्या घेऊन अचानक हल्ला केला.
जमावातील लोकांसोबत असलेल्या नियाज कुरेशी याने गोरक्षक साईराज बेंद्रे याला तुझे आज छोडूंगा नही तुझे खतम कर दुंगा मार डालो इसको असे म्हणत जीवे मारण्यासाठी त्याच्या डोक्यात कुठल्यातरी हत्याराने दुखापत केली. परिस्थिती बिघडल्याने व जमा उग्र झाल्याने सोबतच्या पोलिसांनी कारवाईसाठी गेलेल्या सर्वांना तेथून बाहेर काढत असताना जमावतील एकाने नायकवाडे यांच्या दिशेने पिस्टलमधून फायरिंग केली.
तसेच कारवाईसाठी गेलेल्यांच्या खाजगी वाहनांसह मोटार सायकलचे नुकसान केले. त्यामुळे कारवाईसाठी गेलेले सर्वजण जवळच्या एका शेतात लपले. पोलिसांनी शेतातून या सर्वांना बाहेर काढून पोलीस स्टेशनला आणले व जखमी साईराज बेंद्रे याला उपचारासाठी लोणी येथील पीएमटी रुग्णालयात दाखल करण्यात आले आहे.
