महाराष्ट्र संवाद न्यूज
संगमनेर – दि. 9 डिसेंबर
महाराष्ट्र राज्य शिक्षण विभाग व एज्युकेशन सप्लाय अँड फ्रँचाइजी यांच्यावतीने मेरिटवर दिला जाणारा स्टार एज्युकेशन अवार्ड (Star Education Award 2023, only on Merit ) ‘उत्कृष्ट प्राचार्य’ पुरस्कार संगमनेर महाविद्यालयाचे प्राचार्य डॉ. अरुण गायकवाड यांना प्रदान करण्यात आला.
शैक्षणिक क्षेत्रात भरीव कामगीरी केल्याबद्दल दिला जाणारे या पुरस्काराचे वितरण नुकतेच मुंबईत करण्यात आले. प्राचार्य डॉ. गायकवाड हे गेल्या ३५ वर्षांपासून अध्यापनाचे कार्य करत आहे. ते संगमनेर महाविद्यालयात प्राचार्य पदाबरोबरच वाणिज्य विभागाचे विभागप्रमुख म्हणुन कार्यरत आहेत. त्यांनी सावित्रीबाई फुले पुणे विद्यापीठाच्या बिझनेस लॉ बोर्डाचे विद्यमान अध्यक्ष, व्होकेशनल कॉमर्स अभ्यासमंडळाचे अध्यक्ष, विद्यापरीषद सदस्य, अकौंटन्सी अभ्यासमंडळ सदस्य, वाणिज्य व व्यवस्थापन विद्याशाखा सदस्य इत्यादी अधिकार मंडळामध्ये त्यांनी वेगवेगळ्या शैक्षणिक जबाबदाऱ्या पार पाडलेल्या असून इतर विद्यापीठामध्ये विविध अभ्यासमंडळावर काम पाहिलेले आहेत.
आंतरराष्ट्रीय व राष्ट्रीय स्तरावरील अनेक चर्चासत्रात सहभाग घेतलेला आहे. आजपावेतो त्यांची आंतरराष्ट्रीय जर्नल्समध्ये अनेक संशोधन लेख व पुस्तकेही प्रकाशित झाली आहेत. यापुर्वी प्रो. गायकवाड यांची राज्यपालांनी सावित्रीबाई फुले पुणे विद्यापीठामध्ये विद्यापरिषदेवर सदस्यपदी निवडही केलेली आहे.
इंडियन कॉमर्स असोसिएशनद्वारे राबविण्यात येणा-या शैक्षणिक उपक्रमामध्ये त्यांचे भरीव योगदान दिलेले आहे. इंडीयन कॉमर्स असोसिएशन व महाराष्ट्र कॉमर्स असोसिएशनचे कार्यकारी मंडळाचे सदस्य म्हणून ते काम पहात आहे. शैक्षणिक वर्ष २०२३-२४ मध्ये त्यांची संदिप युनिर्व्हसिटी, नाशिक विद्यापरिषद सदस्य तसेच डॉ. बाबासाहेब आंबेडकर विद्यापीठ, औरंगाबाद व सावित्रीबाई फुले पुणे विद्यापीठ, पुणे येथे व्यावसायिक व्यवस्थापन आणि व्यावसायिक कायदे या अभ्यासमंडळावर कुलगुरूंनी नामनिर्देशन केले आहे.
त्यांना पुणे विद्यापीठाचा आदर्श शिक्षक पुरस्काराने गौरविण्यात आले आहे. त्यांनी राष्ट्रीय छात्र सेना अंतर्गत अनेक समाजाभिमुख उपक्रम महाविद्यालयात राबविले. याची दखल घेवुन सावित्रीबाई फुले पुणे विद्यापीठ, विद्यार्थी कल्याण मंडळाने त्यांना उत्कृष्ट एन.सी.सी.अधिकारी म्हणुन देखील गौरविले आहे.
महाराष्ट्र राज्य शिक्षण विभाग व एज्युकेशन सप्लाय अँड फ्रँचाइजी यांचे संयुक्त विद्यमाने स्टार अवार्ड २०२३ पुरस्कृत मिळालेल्या ‘उत्कृष्ट प्राचार्य’ पुरस्काराबद्दल शिक्षण प्रसारक संस्थेचे कार्याध्यक्ष डॉ. संजय मालपाणी, सचिव डॉ. अनिल राठी, जनरल सेक्रेटरी सीए नारायण कलंत्री व खजिनदार राजकुमार गांधी व व्यवस्थापनातील सदस्य, उपप्राचार्य प्रा. राजेंद्र लढ्ढा, उपप्राचार्य डॉ. रविंद्र ताशिलदार आदींनी अभिनंदन केले.
