महाराष्ट्र संवाद न्यूज
ओझर टाऊनशिप – दि. ११ डिसेंबर
गोखले एज्युकेशन सोसायटीच्या एच.ए.एल. हायस्कूल व कनिष्ठ महाविद्यालयाच्या इंग्रजी माध्यमाच्या शाळेत सोमवारी दहावी शालेय स्तरीय विज्ञान प्रदर्शन पार पडले. प्रदर्शनामध्ये १०३ मॉडेलचे सादरीकरण करण्यात आले होते.
संस्थेचे ओझर विभागाचे अध्यक्ष के. एन. पाटील, शालेय व्यवस्थापन व विकास समितीचे सदस्य रमेश कदम यांच्या हस्ते दीप प्रज्वलन करून प्रदर्शनाची सुरुवात झाली.
विज्ञान प्रदर्शनासाठी शालेय स्तरावर इयत्ता पाचवी ते सातवीपर्यंतचा एक गट तर इयत्ता आठवी ते दहावीच्या विद्यार्थ्यांसाठी दुसरा गट करण्यात आला होता. यावेळी सर्व विद्यार्थ्यानी भूगोल, अवकाशिय, शेती, संगणक, सेन्सर, भूकंप मापन, चांद्रयान मोहीम आदीं विविध विषयांवर आधारीत सुमारे १०३ मॉडेल्स सूरेख पद्धतीने सादर केले होते.
यावेळी व्यासपीठावर अधिक्षक के. एन. पाटील, प्राचार्य आर. एम. चौधरी, शिक्षक पालक संघाचे उपाध्यक्ष दीपक पाटील, रमेश कदम, उपमुख्याध्यापिका सुवर्णा बोडके, पर्यवेक्षक शरद जोशी व शरद मैन उपस्थित होते. यावेळी पाटील व कदम यांनी आपापल्या भाषणांतून विद्यार्थ्यानी सादर केलेल्या विविध संकल्पनेचे कौतुक केले.
कार्यक्रमाचे सूत्रसंचालन शिक्षिका कविता कोबरणे यांनी तर पर्यवेक्षक शरद मैन यांनी आभार मानले. प्रास्ताविक विज्ञान शिक्षीका कविता कोबरणे यांनी केले. शितल डोखळे, अश्विनी माळवे, निता खेडेकर, सरिता नायर, स्वाती वावधाने, तेजल शेलार, सुरेखा ढाबळे, सुप्रिया चव्हान यांनी प्रदर्शन यशस्वीतेसाठी परिश्रम घेतले.
