महाराष्ट्र संवाद न्यूज
शिर्डी – राहाता काँग्रेसने माजी आमदार तांबे यांचा वाढदिवस पुस्तक मैत्री दिवस म्हणून साजरा केला असल्याची माहिती राहाता तालुका कॉंग्रेस कमिटीचे तालुका अध्यक्ष ॲड. पंकज लोंढे यांनी दिली.
तांबे यांच्या वाढदिवसानिमित्त अस्तगावच्या न्यू इंग्लिश स्कुल या माध्यमिक शाळेच्या ग्रंथालयास राहाता तालुका कॉंग्रेस कमिटीतर्फे शिवचरित्र, छत्रपती श्री राजश्री शाहू महाराज, संत गाडगे महाराज, अमृतमंथन, ज्योतिबासावित्री, श्यामची आई, कृषिक्रांतीचे योगीराज, अजुनी चालीतोची वाट, डॉ. ए. पी. जे. अब्दुल कलाम, गंमत जंमत शाळा, पारंपरिक ओव्या अशी पुस्तके भेट देण्यात आली.
यावेळी राहाता तालुका कॉंग्रेस कमिटीचे तालुका अध्यक्ष ॲड. पंकज लोंढे, तालुका सरचिटणीस संजय जेजुरकर, अस्तगाव काँग्रेस अध्यक्ष बबनराव नळे, गणेशचे संचालक महेंद्र गोर्डे, नानासाहेब नळे, बाळासाहेब चोळके, प्रविण घोडेकर, दादासाहेब आरंगळे, समद शेख, जाकीर शेख, अमिन पटेल, गणेश चोळके, नामदेव जेजुरकर, दिलीप नळे, सोमनाथ जेजुरकर, संदिप कोकाटे, सागर जेजुरकर, विजय सापते, राजेंद्र जेजुरकर आदि कार्यकर्ते उपस्थित होते.
विद्यालयाच्यावतीने मुख्याध्यापक माळी सर, प्रभारी प्रवेशक डहाळे सर, ग्रंथपाल कडू सर यांनी पुस्तकांचा स्विकार करून आभार मानले.
१७ जानेवारीला नाशिक पदवीधर मतदार संघाचे माजी आ. डॉ. सुधीर तांबे यांचा वाढदिवस असतो. साहेब समाजात वाचनसंस्कृती रुजविण्यासाठी नेहमीच आग्रही असतात. पुस्तकांवरील त्यांच्या या प्रेमामुळेच त्यांचा वाढदिवस ‘पुस्तक मैत्री दिवस’ म्हणून साजरा केला. त्यांचा मित्रपरिवार, कार्यकर्ते, आप्तेष्ट व हितचिंतक या सर्वांनी त्यांच्या वाढदिवशी भेट म्हणून पुष्पहार, पुष्पगुच्छ, तसेच फ्लेक्स, होर्डिंग्ज हा अनावश्यक खर्च टाळून शाळा, ग्रंथालये, वाचनालये यांना पुस्तके भेट देवून वाचनसंस्कृती वाढवावी अशी त्यांची इच्छा असते. त्यामुळे आज राहाता तालुका कॉंग्रेस कमिटीने सार्वजनिक वाचनालयास पुस्तके भेट देवून तांबे यांचा वाढदिवस पुस्तक मैत्री दिवस साजरा केला.
ॲड. पंकज लोंढे, अध्यक्ष राहाता तालुका कॉंग्रेस.
