संगमनेर, दि. २२ फेब्रुवारी
तालुक्यातील घुलेवाडी येथील आनंदवन विद्यालयाचा विद्यार्थी सोहम मनोज कडलग याने स्टुडंट टॅलेंट परीक्षेत २१२ गुण प्राप्त करत तालुक्यात पहिला येण्याचा मान पटकाविला आहे. अहमदनगर येथील हिंद सेवा मंडळ आयोजित स्टुडंट टॅलेंट परीक्षेत कडलग याच्यासह दिगंबर गणेश सराफ विद्यालयाच्या कौस्तुभ गोरक्ष सरोदेने द्वितीय तर गगन संदीप शिंदेने तालुक्यात तृतीय क्रमांकाने यश मिळविले आहे. जिल्ह्यातील प्रज्ञावंत विद्यार्थ्यांचा शोध घेण्यासाठी हिंद सेवा मंडळामार्फत या परीक्षेचे आयोजन केले जाते. सोहम कडलग यास वर्ग शिक्षिका भारती केकाने-चौधर, जिल्हा परिषद प्राथमिक शाळा जवळे कडलगचे मुख्याध्यापक विलास शिरोळे, प्रकाश भागवत, मनीषा देशमुख, अनिल कडलग, दिलीप शेटे, वडील मनोज कडलग व आई उमा कडलग यांचे मार्गदर्शन लाभले.
सोहम कडलगचे कृषी उत्पन्न बाजार समितीचे संचालक निलेश कडलग, महिंद्र गुंजाळ, भाऊसाहेब घुले, कृषी उत्पन्न बाजार समितीचे सचिव सतीश गुंजाळ, ओम मयूर ज्वेलर्सचे संचालक महेश मयूर, वैशाली मयूर, कडलग इन्व्हेस्टमेंटचे संचालक सुनील कडलग, वृषाली कडलग, प्रा. अमोल कडलग, किरण देशमुख, उद्योजक अशोक सिनारे यांनी अभिनंदन केले आहे.
