मंगळवार दि. १६ एप्रिल
अयोध्येत प्रभू श्रीरामांच्या मूर्तीची प्रतिष्ठापणा २२ जानेवारीला झाल्यानंतर आता संगमनेरात पुन्हा एकदा राम जन्मोत्सवाची व भव्य शोभायात्रेची जोरदार तयारी पूर्ण झाली आहे.
बुधवारी (दि. १७) सायंकाळी पाच वाजता रामनवमी निमित्ताने भव्य शोभायात्रेला नवीन नगर रोड येथील राम मंदिर येथून प्रारंभ होवून बस स्थानक, छ्त्रपती शिवाजी महाराज पुतळा, चावडी, मेनरोड, तेलीखुंट, नेहरू चौक व चंद्रशेखर चौक येथील राम मंदिर येथे महाआरती होवून सांगता होणार आहे.
या मार्गात असणाऱ्या मंदिर व घरांवर विद्युत रोषणाई करून सडा- रांगोळी करावी, शोभा यात्रेवर पुष्पवृष्टी करावी. संगमनेर शहर व तालुक्यातील सर्वांनी या भव्य दिव्य शोभायात्रेत सहभागी होण्याचे आवाहन विश्व हिंदू परिषद बजरंग दलाचे तालुका संयोजक कुलदीप ठाकूर, शहर संयोजक शुभम कपिले यांनी केले आहे.
विश्व हिंदू परिषद बजरंग दलाने आयोजित केलेल्या मिरवणुकीत प्रमुख आकर्षण महाकाल अघोरी तांडव, रामलल्ला मुर्ती, आदियोगी मुर्ती, भव्य हनुमान, सनई चौघडे, पारंपरिक वाद्य यांचा समावेश असणार आहे.
