मंगळवार, दि. ७ मे
संगमनेर तालुका कृषी उत्पन्न बाजार समिती अंतर्गत येत असलेल्या वडगाव पान येथील उप बाजारामध्ये मंगळवार गुरुवार आणि शुक्रवारी कांदा लिलाव सुरू करण्यात आल्याची माहिती देण्यात आली आहे. संगमनेर तालुक्यातील तसेच परिसरातील शेतकऱ्यांसाठी यामुळे कांदा विक्रीची मोठी सोय झाली आहे.
राज्याचे माजी कृषिमंत्री, काँग्रेसचे ज्येष्ठ नेते आमदार बाळासाहेब थोरात यांच्या मार्गदर्शनाखाली कार्यरत असलेल्या कृषी उत्पन्न बाजार समितीच्या वडगाव पान उपबाजारात मंगळवारी कांदा लिलावास प्रारंभ झाला. यावेळी सभापती शंकर खेमनर, सहकार महर्षी थोरात कारखान्याचे चेअरमन बाबा ओहोळ, उपसभापती गीताराम गायकवाड, संचालक कैलास पानसरे, मनीष गोपाळे, सुरेश कान्होरे, सतीश खताळ, विजय सातपुते, रुक्मिणी साकुरे, दिपाली वर्पे, सुधाकर ताजणे, अनिल घुगे, अरुण वाघ, सखाराम शेरमाळे, संजय खरात, निलेश कडलग, निसार शेख, मनसुख भंडारी, सचिन करपे, सचिव सतीश गुंजाळ, कांदा व्यापारी भारत मुंगसे आदींसह विविध पदाधिकारी, कांदा व्यापारी शेतकरी मोठ्या संख्येने उपस्थित होते.
कार्यक्रमाचे प्रास्ताविक मार्केट कमिटीचे सचिव सतीश गुंजाळ यांनी केले. तर उपसभापती गीताराम गायकवाड यांनी आभार मानले. यावेळी विविध पदाधिकारी, वडगाव पान येथील ग्रामस्थ, तसेच व्यापारी, आडतदार व कांदा उत्पादक, शेतकरी, हमाल, मापाडी मोठ्या संख्येने उपस्थित होते.
मंगळवार, गुरुवार व शनिवारी लिलाव…
कृषी उत्पन्न बाजार समितीतील वाढत्या कामाच्या आवाक्यायामुळे वडगाव पान येथील वीस एकरच्या प्रशस्त जागेत अद्यावत पद्धतीने उपबाजार सुरू करण्यात आला आहे. या ठिकाणी कांदा, डाळिंब तसेच बैल बाजारही भरवण्यात येणार आहे. शेतकरी व व्यापाऱ्यांसाठी सर्व सुविधा असलेल्या वडगाव पान येथील उपबाजारात मोकळा लूज कांदा लिलाव दर आठवड्याच्या मंगळवार, गुरुवार व शनिवारी दुपारी तीन वाजता होतील. – शंकरराव खेमनर
