शुक्रवार, दि. २४ मे
लोकसभा निवडणुकीदरम्यान जाहीर करण्यात आलेल्या आणि नंतर पुढे ढकलण्यात आलेल्या दोन शिक्षक व दोन पदवीधर मतदार संघाच्या निवडणुकांची नवी तारीख जाहीर करण्यात आली असून आता या निवडणुका २६ जूनला होणार आहे तर १ जुलैला मतमोजणी होईल.
विधान परिषदेच्या मुंबई व कोकण पदवीधर तसेच मुंबई आणि नाशिक शिक्षक मतदार संघातील विद्यमान आमदारांचा कार्यकाल पूर्ण झाल्याने या जागांसाठी निवडणूक होत आहे. यापूर्वी या जागांच्या निवडणुकीची घोषणा करण्यात आली होती मात्र शिक्षकांनी लोकसभा निवडणुकीचे कारण देत तारीख बदलण्याची मागणी केली होती. त्यामुळे ही निवडणूक रद्द करण्यात आली होती. आता पुन्हा नव्याने निवडणुकीच्या तारखांची घोषणा करण्यात आली आहे.
असा आहे निवडणूक कार्यक्रम…
निवडणूक जाहीर करण्यात आलेल्या चारही जागांसाठी येत्या ३१ मे पासून उमेदवारी अर्ज भरण्यास सुरुवात होईल.
७ जून पर्यंत उमेदवारी अर्ज दाखल करता येतील.
१० जूनला उमेदवारी अर्ज यांची छाननी होईल.
१२ जून पर्यंत उमेदवारी अर्ज मागे घेता येतील.
तर या चारही जागांसाठी २६ जूनला मतदान घेतले जाईल.
१ जुलैला मतमोजणी होईल.
