बुधवार, दि. १९ मे
लोकसभा निवडणूक प्रचारा दरम्यान वंचित बहुजन आघाडीच्या शिर्डी लोकसभेच्या उमेदवार उत्कर्षा रूपवते यांच्या वाहनावरील दगडफेक प्रकरणातील आरोपींचा पोलिसांना अद्यापही शोध लागलेला नाही. घटनेला महिन्याचा कालावधी उलटत असून अद्यापही आरोपी मोकाट आहे.
राखीव असलेल्या शिर्डी लोकसभा मतदारसंघात वंचित बहुजन आघाडीच्या उमेदवार उत्कर्षा रूपवते यांच्या उमेदवारीमुळे निवडणुकीत सरस वाढले होती. तिरंगी झालेल्या या लढतीत कोण बाजी मारतो हे चार जूनला समोर येणार आहे. एकीकडे निवडणुकीचा निकाल तोंडावर असताना दुसरीकडे मात्र महिनाभरापूर्वी झालेल्या उमेदवाराच्या वाहनावरील दगडफेक प्रकरणातील आरोपी शोधण्यात पोलिसांना अपयश आले आहे.
निवडणूक प्रचारादरम्यान ८ मे रोजी रात्री प्रचार संपवून घरी परतत असताना रुपवते यांच्या वाहनावर चितळवेढे येथे दगडफेक करून त्यांच्यावर हल्ल्याचा प्रयत्न झाला होता. या प्रकारामुळे लोकसभा निवडणुकीत खळबळ उडाली होती. उमेदवार रूपवते यांच्या फिर्यादीवरून राजुर पोलीस ठाण्यात गुन्हा दाखल करण्यात आला होता. मात्र अद्यापही दगडफेक प्रकरणातील आरोपी पोलिसांच्या हाती लागू शकले नाही.
आरोपी पकडले गेले नाहीत! …
वाहनावर झालेल्या दगडफेकी संदर्भात काल राजुर पोलीस ठाण्यात अधिकाऱ्यांची आत्तापर्यंत झालेल्या कारवाई संदर्भात पोलीस प्रशासनाकडून माहिती घेतली. मात्र अद्यापही पोलिसांना आरोपी सापडलेले नाहीत. समवेत वंचित बहुजन आघाडीचे ज्येष्ठ नेते डॉ. जालिंदर घिगे, तालुका अध्यक्ष रवींद्र पवार, प्रवीण कोंडार, स्वप्निल धांडे व इतर कार्यकर्ते उपस्थित होते. – उत्कर्षा रूपवते.
