मंगळवार, १८ जून २०२४
राज्यभरातून २८ विद्यार्थ्यांची इस्रो अभ्यास सहलीसाठी निवड करण्यात आली आहे. इयत्ता आठवीच्या विद्यार्थ्यांमध्ये १५० पैकी १३६ गुण मिळवत द्वितीय क्रमांक मिळविणाऱ्या साई घुगे याचादेखील यात समावेश आहे.
एज्यूमिट अकॅडमी महाराष्ट्र राज्य यांच्यावतीने घेण्यात आलेल्या भारत टॅलेंट सर्च परीक्षा (बीटीएस) २०२४ चा अंतिम निकाल नुकताच जाहीर करण्यात आला. राज्यस्तरीय असणारी ही परीक्षा राज्यात सुमारे २५० पेक्षा अधिक केंद्रांवर घेण्यात आली. इयत्ता पहिली ते आठवीचे २० हजारपेक्षा जास्त विद्यार्थी सदर परीक्षेस प्रविष्ठ झाले होते.
साई सध्या नामांकित अशा सातारा सैनिक स्कूल येथे शिक्षण घेत असून त्याने आतापर्यंत शिष्यवृत्ती परीक्षा राज्यस्तरीय गुणवत्ता यादीमध्ये क्रमांक, मंथन, नवोदय तसेच बऱ्याच स्पर्धा परीक्षात यश संपादन केले. साईचे वडील केशव घुगे व आई सुरेखा घुगे (आंधळे) दोघेही प्राथमिक शिक्षक म्हणून अहमदनगर जिल्हा परिषदेच्या रामवाडी (ता. संगमनेर) येथे कार्यरत आहे.
या यशासाठी सातारा सैनिक स्कूलचे प्राचार्य कॅप्टन के. श्रीनिवासन, उपप्राचार्य लेफ्टनंट कर्नल मनिषा दबस, ऍडम ऑफिसर विंग कमांडर गौरव शेरॉन, वरिष्ठ शिक्षक प्रेम गेही सर, वर्गशिक्षक टिंगरे, विशाल साळुंके, गणीतगुरू शांताराम अहिरे, गिरीधारी कदम, पूजा वैद्य, आदर्श शिक्षक विक्रम अडसूळ, सातारा येथील अंजली गोडसे, दिपाली रेपाळ मॅडम आदींचे मार्गदर्शन लाभले.
