मंगळवार, १८ जून २०२४
प्रज्वल रेवन्ना सेक्स स्कँडल प्रकरणात समोर आलेल्या नव्या खुलासामुळे खळबळ उडाली आहे. रेवन्ना याची आई भवानी रेवन्ना देखील त्याच्या पापात सहभागी असल्याची माहिती पोलीस तपासात समोर आली आहे.
कर्नाटकात लैंगिक प्रकरण उघडकीस आल्यानंतर रेवन्ना भारतातून फरार झाला होता. त्यानंतर त्याच्यावर जेडीएस पक्षाने निलंबनाची कारवाई केली. पण त्याने काही दिवसांनी भारतात येत सरेंडर केले. आता या प्रकरणी समोर आलेल्या नव्या खुलाश्यामुळे खळबळ उडाली आहे. कारण प्रज्वल रेवण्णा हा ज्या कोणा महिलेवर अत्याचार करत होता, त्यामधील जी कोणी महिला रेवण्णा विरोधात तक्रार करण्यास जात असायची, अशा महिलांचे प्रज्वल रेवण्णाची आई भवानी रेवण्णा ही अपहरण करत होती, अशी माहिती पोलिसांकडून देण्यात आली आहे.
अनेक महिलांचे लैंगिक छळ केलेला आरोपी प्रज्वल रेवन्ना याची आई भवानी हिच्याबाबत गंभीर खुलासे करण्यात आले आहेत. या प्रकरणाचा तपास करणाऱ्या कर्नाटक पोलिसांच्या विशेष पथकाने उच्च न्यायालयालात सांगितले आहे की, रेवण्णाची आई लैंगिक छळाचा बळी ठरलेल्या महिलांच्या अपहरणाची सूत्रधार आहे. एसआयटीने दिलेल्या माहितीनुसार, भवानीने प्रज्वलच्या विरोधात तक्रार दाखल करण्यापासून रोखण्यासाठी सात पीडितांचे अपहरण केले होते.
या प्रकरणी पोलिसांनी भवानीला सुद्धा ७ जून रोजी अटक केली आहे. अटकेनंतर भवानी रेवण्णा हिने लगेच जामिनासाठी याचिका दाखल केली होती. परंतु, न्यायालायाने या याचिकेवर सुनावणी करत निकाल राखून ठेवला आहे. तर भवानी ही या अत्याचाराने पीडित असलेल्या महिलांच्या अपहरणाची प्रमुख सूत्रधार होती, असे पोलिसांकडून न्यायालयात सांगण्यात आले आहे. त्यावेळी न्यायाधिशांनी भवानीला एसआयटी चौकशीला सामोरे जाण्याचे आणि पोलिसांना सहकार्य करण्याचे आदेश दिले आहेत. त्यामुळे आता या प्रकरणात आणखी काय काय उलगडा होतो हे पाहणे महत्त्वाचे ठरणार आहे.
