मंगळवार, १६ जुलै
म्युच्युअल फंड्स गुंतवणूक, जीवन विमा, मेडीक्लेम विमा क्षेत्रातील प्रथितयश ब्रँड म्हणून नावारूपास आलेल्या कडलग इन्व्हेस्टमेंट या फर्मच्या सर्व कर्मचाऱ्यांसाठी माईंड एक्सलंस प्रोग्रामचे प्रशिक्षण माईंड एक्सलंस कोच व ट्रेनर सुधीर फरगडे यांच्या मार्गदर्शनाखाली सुरू झाले आहे. माईंड एक्सलंस टेक्नॉलॉजीजद्वारे आयोजित हा १४ आठवड्यांचा कार्यक्रम अत्याधुनिक पद्धतीने संमोहन व NLP तंत्रांचा वापर करून व्यक्तिगत व व्यावसायिक क्षमतांचा विकास घडवून आणण्यासाठी बनवला आहे.
कडलग इन्व्हेस्टमेंट फर्मचे संचालक सुनील कडलग व आदित्य कडलग यांच्या प्रेरणेतून या प्रोग्रामचे आयोजन करण्यात आले आहे. कार्यक्रमाचे पहिले सत्र नुकतेच पार पडले असून, फरगडे यांच्या मार्गदर्शनाखाली प्रशिक्षण सुरू झाले आहे.
यामुळे कर्मचार्यांचे मानसिक ताण तणाव कमी करण्यात मदत होईल आणि मानसिक स्वास्थ्यामुळे कर्मचार्यांची एकाग्रता व कार्यक्षमता वाढेल व त्यातून उत्पादनक्षमतेत वाढ होईल. सहकाऱ्यांमधील सामंजस्य आणि सामूहिक कार्यशक्ती वाढविण्यासाठी आणि नेतृत्वगुणांचा विकास करण्यासाठी हे प्रशिक्षण अत्यंत उपयुक्त ठरेल.
कडलग इन्व्हेस्टमेंटने उचललेले हे पाऊल इतर व्यावसायिकांसाठी देखील आदर्शवत आहे. हे प्रशिक्षण सर्व स्तरातील कर्मचाऱ्यांसाठी घेणे अत्यंत गरजेचे व काळाची गरज आहे, यामुळे व्यवसायात चिरस्थायी आणि सकारात्मक बदल घडवून आणता येतील, असे फरगडे यांनी म्हटले आहे.
आजच्या तणावग्रस्त आणि प्रतिस्पर्धात्मक व्यावसायिक जगात, मानसिक आरोग्य आणि व्यावसायिक क्षमतांचा विकास आवश्यक आहे. ‘माईंड एक्सलंस प्रोग्राम’मुळे कर्मचार्यांची कार्यक्षमता वाढवून ग्राहकांना अधिक दर्जेदार सेवा देता येणार आहे. तसेच तणावमुक्त वातावरणामुळे कर्मचार्यांची सृजनशीलता आणि आनंददेखील वाढेल, असे कडलग इन्व्हेस्टमेंटचे संचालक सुनील कडलग यांनी सांगितले.
