गुरुवार, ०८ ऑगस्ट
पुण्य कर्म करण्यासाठी प्रसिद्ध असलेल्या अक्षय कुमारने राम मंदिरासाठी तब्बल तीन कोटी रुपयांची देणगी दिली होती. आता अक्षय कुमारने मुंबईतील हाजी अली दर्ग्यात दर्शनासाठी गेल्यानंतर दर्ग्याच्या नूतनीकरणासाठी करोडोंची दिलेली देणगी चर्चेत आली आहे.
सध्या अक्षय कुमार त्याच्या ‘खेल खेल में’ या चित्रपटाच्या प्रमोशनमध्ये व्यस्त आहे. हा चित्रपट १५ ऑगस्टला प्रदर्शित होत आहे. चित्रपट प्रदर्शित होण्यापूर्वी अक्षय कुमारने हाजी अली दर्ग्यात दर्शन घेतले.
यावेळी अक्षयने दर्ग्याच्या नूतनीकरणासाठी १.२१ कोटी रुपयांची देणगी दिली आहे. त्याचे दर्ग्यातील फोटो सोशल मीडियावर व्हायरल होत आहेत. सध्या हाजी अली दर्ग्यात नूतनीकरणाचे काम सुरू आहे. अक्षय कुमारने दिलेल्या देणगीनंतर दर्गा ट्रस्ट टीम आनंदी आहे. त्यांनी अक्षयचे मोकळ्या मनाने स्वागत केले. एवढेच नाही तर अक्षयने दर्ग्यावर चादरही अर्पण केली आहे.
राम मंदिरासाठीही दिली होती देणगी…
अक्षय कुमारने धर्मादाय काम करण्याची ही पहिलीच वेळ नाही. यापूर्वी राम मंदिराच्या उभारणी दरम्यान अक्षयने ३ कोटी रुपयांची देणगी दिली होती. अक्षय कुमार राम मंदिराच्या अभिषेक सोहळ्याला उपस्थित राहू शकला नाही. त्या दिवसांत तो त्याच्या बडे मियाँ छोटे मियाँ या चित्रपटाच्या शूटिंगमध्ये व्यस्त होता.
आता अक्षयचा ‘खेल खेल’ हा चित्रपट १५ ऑगस्टला प्रदर्शित होत आहे. चित्रपटाचा ट्रेलर रिलीज झाला आहे जो लोकांना खूप आवडला आहे. या चित्रपटात त्याच्यासोबत तापसी पन्नू, वाणी कपूर, फरदीन खान, आदित्य सील आणि एमी विर्क महत्त्वाच्या भूमिकेत दिसणार आहेत.
