गुरुवार, २४ ऑक्टोंबर
संगमनेर – संगमनेर विधानसभा मतदारसंघातून गुरुवारी ‘ऑल इंडिया फॉरवर्ड ब्लॉक’ पक्षाच्या वतीने भागवत धोंडीबा गायकवाड यांनी आपला उमेदवारी अर्ज निवडणूक निर्णय अधिकारी शैलेंद्र हिंगे यांच्याकडे दाखल केला. तर आतापर्यंत २६ इच्छुकांनी ५३ उमेदवारी अर्ज नेले आहेत.
संगमनेर विधानसभा मतदारसंघातून एकमेव उमेदवारी अर्ज दाखल झाला आहे. शासकीय सुट्ट्यांचा कालावधी वजा जाता उमेदवारी अर्ज भरण्यासाठी शेवटचे तीन दिवस उरले आहेत. त्यामुळे या तीन दिवसात मोठ्या संख्येने उमेदवारी अर्ज दाखल होण्याची चिन्ह आहेत.
गुरुवारी भारत संभाजी भोसले, विठ्ठल संतोष अभंग, अब्दुल अजीज अहमद शरीफ व्होरा (वंचित बहुजन आघाडी), संपत मारुती कोटकर (वंचित बहुजन आघाडी), विक्रमसिंह सतीशराव खताळ पाटील (भारतीय जनता पक्ष व अपक्ष), रोहिदास रघुनाथ साबळे (भारतीय जनता पक्ष) यांनी उमेदवारी अर्ज नेले.
तर बुधवारी अर्ज नेणाऱ्यांमध्ये कलीराम बहिरू पोपळघट, नवनाथ दादाभाऊ नरवडे, दत्तात्रय रावसाहेब ढगे, बाळासाहेब निवृत्ती थोरात, एकनाथ नारायण थोरात, शौकत साहेबअली जहागीरदार, श्रीराम अरविंद गणपुले (भारतीय जनता पक्ष), किशोर दादू वाघमारे (शिवसेना) व शिवाजी भिमाजी गुंजाळ (भारतीय जनता पक्ष) यांचा समावेश आहे.
