शनिवार, ०२ नोव्हेंबर
पुणे – वंचित बहुजन आघाडीचे प्रमुख ॲड. प्रकाश आंबेडकर रुग्णालयात उपचार घेत आहे. त्यांच्यावर महत्त्वाच्या शस्त्रक्रिया पार पाडल्या असून त्यांनी रुग्णालयातून कार्यकर्ते, उमेदवार आणि आरक्षणवादी जनतेला एका व्हिडिओ संदेशाच्या माध्यमातून आवाहन केले आहे. त्यांच्या आवाहनाचा हा व्हिडिओ वंचित बहुजन आघाडीच्या ट्विटर हँडलवर टाकण्यात आला आहे.
वंचित बहुजन आघाडीच्या राज्य प्रवक्ता उत्कर्षा रुपवते यांनी देखील हा व्हिडिओ आपल्या ट्विटर वरून शेअर केला आहे.
https://x.com/URupwate/status/1852640976184979663?s=19
नेमकं काय म्हणाले ॲड. प्रकाश आंबेडकर…
मी सध्या आयसीयूमध्ये आहे अँजिओग्राफी आणि अँजिओप्लास्टी दोन्ही झालेले आहेत डॉक्टरने निरीक्षणात ठेवलेले आहे.
निवडणुकीची सुरुवात झालेली आहे. ही निवडणुक अत्यंत महत्त्वाची असून ओबीसीसाठीसुद्धा अत्यंत महत्त्वाची आहे, विधानसभेनंतर ओबीसीचे आरक्षण थांबवले जाणार आणि दुसऱ्या बाजूस एसीचा आरक्षणाचे उपवर्गीकरण आणि क्रिमीलेअरची अंमलबजावणी करणार आहेत. हे दोन्ही मुद्दे महत्त्वाचे आहेत.
विधानसभेमध्ये आमदार निवडून आले तर आरक्षणावरचा हल्ला थांबवता येतो आणि म्हणून सर्व कार्यकर्त्यांना, उमेदवाराला आणि आरक्षणवादी जनतेला आव्हान करतोय की, आपण वंचित बहुजन आघाडीच्या पाठीशी उभे राहत गॅस सिलेंडरला आपले अमूल्य मत द्यावे.
