विशेष प्रतिनिधी / मुंबई
राज्य विधान सभेच्या निवडणुकीत अनपेक्षित निकाल लागून महाविकास आघाडीच्या दिग्गज नेत्यांना पराभवाचा जबर झटका बसला आहे.
आघाडीचे आगामी मुख्यमंत्री म्हणून ज्यांचं नाव घेतलं जातं होतं त्या संगमनेरचे ज्येष्ठ नेते बाळासाहेब थोरात यांचा पराभव काँग्रेस पक्षाच्या चांगलाच जिव्हारी लागला.
काँग्रेसचे ज्येष्ठ नेते आणि माजी मुख्यमंत्री पृथ्वीराज चव्हाण यांचाही पराभव झाला. हा निकालही आश्चर्यकारक मानला जातो.
मुंबई माहीम मतदारसंघात राज ठाकरे यांचे पुत्र अमित यांनाही पराभव पत्करावा लागला. भाजपने अमित यांना पाठिंबा देऊनही त्यांचा पराभव झाल्याने मनसे कार्यकर्त्यांमध्ये नैराश्य पसरलं आहे. तिकडे वरळी मतदारसंघात उद्धव ठाकरे यांचे पुत्र माजी मंत्री आदित्य ठाकरे विजयी झाले. त्यांनी माजी मंत्री मिलिंद देवरा यांना त्यांनी पराभूत केलं.
कर्जत जामखेडमध्ये शेवटच्या मतं मोजणीत रोहित पवार यांनी माजी मंत्री भाजपचे राम शिंदे यांनी पराभव केला. दुसरीकडे निफाडमधून छगन भुजबळ विजयी झाले.
विरारमध्ये पैसे वाटप केल्याच्या आरोपाने हाहाकार निर्माण करणारे माजी आमदार आणि बविआचे हितेंद्र ठाकूर यांना पहिल्यांदाच पराभव पत्करावा लागला. अचलपूरचे माजी मंत्री बच्चू कडू यांचा सुमारे १४००० मतांनी पराभव झाला. माजी मंत्री नदीम खान आणि नवाब मलिक यांना परभवाचे झटके बसले. सावनेरमधून आशिष देशमुख विजयी झाले. 
नागपूर काँग्रेसचे अध्यक्ष विकास ठाकरे हे सुमारे साडेतीन हजार मतांनी विजयी झाले. बल्लारपूर येथून विद्यमान मंत्री सुधीर मुनगंटीवार विजयी ठरले. लातूरमध्ये माजी मुख्यमंत्री विलासराव देशमुख यांचे पुत्र अमित आणि अतिश देशमुख पराभूत झाले.
घनसावंगीतून माजी मंत्री राजेश टोपे यांचा हिकमत उडान यांनी सुमारे अडीच हजार मतांनी पराभव केला.
