रविवार, २४ नोव्हेंबर – मुंबई
राज्यात विधानसभा निवडणुकीत सत्ताधारी महायुतीला स्पष्ट जनादेश मिळाला आहे. त्यामुळे राज्यात पुन्हा शिंदे-फडणवीस-पवार सरकार सत्तेत दिसणार आहे. दरम्यान महायुतीचा मुख्यमंत्री कोण होणार आणि मुख्यमंत्री पदाची माळ कोणाच्या गळ्यात पडणार याची चर्चा सुरू असून राज्यातील जनतेची उत्सुकता वाढीस लागली आहे.
समोर येत असलेल्या माहितीनुसार नव्या सरकारचा उद्या सोमवारी (२५ नोव्हेंबर) वानखेडे स्टेडियमवर शपथविधी होण्याची शक्यता राजकीय वर्तुळात व्यक्त होत आहे.
या शपथविधी सोहळ्याला पंतप्रधान नरेंद्र मोदी, भाजपाचे प्रमुख जे. पी. नड्डा यांच्यासह केंद्रातील काही दिग्गज नेते उपस्थित राहण्याची शक्यता असून नव्या मंत्रिमंडळात उपमुख्यमंत्रीपदी कोणाची वर्णी लागते तसेच मंत्रिमंडळात कोणाकोणाला संधी मिळते यावर सध्या तर्कवितर्क सुरू आहे. दरम्यान मुख्यमंत्र्यांसह दोन उपमुख्यमंत्री असतील यावर शिक्कामोर्तब झाल्याचे सांगितले जाते.
दरम्यान नव्या मंत्रिमंडळात अहिल्यानगर जिल्ह्यातून राज्याचे महसूल मंत्री असलेले राधाकृष्ण विखे पाटील यांचा समावेश नक्की मानला जात आहे.
शपथविधी वेळी कोणाला मंत्रिपदाची शपथ दिली जाऊ शकते अशी संभाव्य मंत्र्यांची नावे पुढीलप्रमाणे…
भारतीय जनता पक्षाकडून – देवेंद्र फडणवीस
चंद्रशेखर बावनकुळे
चंद्रकांत पाटील
मंगलप्रभात लोढा
रविंद्र चव्हाण
सुधीर मुनगंटीवार
राधाकृष्ण विखे पाटील
आशिष शेलार
गणेश नाईक
प्रवीण दरेकर
राहुल नार्वेकर
गिरीष महाजन
अतुल भातखळकर
नितेश राणे
राहूल कूल
संजय कुटे
माधुरी मिसाळ
पंकजा मुंडे
मंदा म्हात्रे
देवयानी फरांदे
शिवसेना (एकनाथ शिंदे) पक्षाकडून… एकनाथ शिंदे
गुलाबराव पाटील
दादा भुसे
भरत गोगावले
संजय शिरसाट
उदय सामंत
दीपक केसकर
संजय राठोड
शंभूराज देसाई
अब्दुल सत्तार
राष्ट्रवादी काँग्रेस (अजित पवार) पक्षाकडून… अजित पवार
दिलीप वळसे पाटील
धनंजय मुंडे
छगन भुजबळ
हसन मुश्रीफ
आदिती तटकरे
धर्मरावबाबा आत्रम
अनिल पाटील
नरहरी झिरवाळ
आण्णा बनसोडे
