गुरुवार १२ डिसेंबर
संगमनेर – रस्त्याने शाळा कॉलेजला जाणाऱ्या मुलींसमोर पॅन्ट काढून विकृत चाळे करणाऱ्या परप्रांतीय तरुणा विरोधात संगमनेर शहर पोलीस ठाण्यात गुन्हा दाखल करण्यात आला आहे. गेल्या एक-दीड महिन्यापासून हा प्रकार सुरू होता.
संगमनेर शहर पोलीस ठाण्यात गुरुवारी सकाळी यासंदर्भात गुन्हा दाखल करण्यात आला आहे. शाहरुख गुलामनबी अन्सारी (रा. पोद्दार स्कूल जवळील फर्निचर कारखान्याजवळ, सुकेवाडी मूळ रा. बरेली, उत्तर प्रदेश) असे पोलिसांनी गुन्हा दाखल केलेल्या विकृत आरोपीचे नाव आहे.
अन्सारी हा गेल्या एक-दीड महिन्यापासून सुकेवाडी रस्त्यावर हा प्रकार सुरू होता. परिसरातील मुली शाळा कॉलेजला जात असताना आरोपी अन्सारी हा त्याची पॅन्ट काढून मुलींकडे बघत विकृत चाळे करत तसेच मुलींचा विनयभंग करण्याच्या उद्देशाने ज्यांना लज्जा उत्पन्न होईल असे वर्तन करत असताना आढळून आला. या संदर्भात परिसरातील एका व्यक्तीने केलेल्या तक्रारीनंतर अन्सारी याच्या विरोधात भारतीय न्याय संहिता कलमांतर्गत गुन्हा दाखल करण्यात आला आहे.
शाळा-कॉलेजला जाणाऱ्या मुलींसमोर विकृत चाळे करणाऱ्या परप्रांतीयाविरोधात गुन्हा दाखल
संगमनेर शहर पोलीस ठाण्याच्या हद्दीतील घटना
