सोमवार, २३ डिसेंबर
श्रीरामपूर – श्रीरामपूरमध्ये मटका व्यवसाय सुरू ठेवण्यासाठी लाच मागितल्याच्या कारणावरून गुन्हा दाखल करण्यात आलेल्या पोलीस कर्मचाऱ्यांपैकी दोघांना श्रीरामपूर न्यायालयाने अटकपूर्व जामीन मंजूर केला आहे. 
श्रीरामपूर शहर पोलीस ठाण्याचे पोलीस हवालदार राहुल महादेव नरवडे, गौतम शंकर लगड व पोलीस नाईक रघुवीर ओंकार कारखीले या पोलीस कर्मचाऱ्यांवर लाच लुचपत प्रतिबंधक कायदा अंतर्गत गुन्हा दाखल करण्यात आला होता.
गुन्हा दाखल झाल्यानंतर पोलीस हवालदार राहुल नरवडे व गौतम लगड यांनी ॲड. एजाज पठाण व ॲड. पंकज म्हस्के यांच्यामार्फत श्रीरामपूर न्यायालयात अटकपूर्व जामीन अर्ज दाखल केला होता. या जामीन अर्जावर विशेष न्यायाधीश तथा अतिरिक्त जिल्हा व सत्र न्यायाधीश एस. एन. साळवे यांच्यासमोर सुनावणी झाली.
दोन्ही वकिलांनी आरोपींचा या होण्याची कोणताही संबंध नसल्याचे तसेच त्यांच्या विरोधात अशा प्रकारचा गुन्हा नसल्याचे सांगितले. आरोपींविरोधात नोंदविण्यात आलेली तक्रार प्रसन्न दर्शनी खोटी असल्याचे त्यांनी न्यायालयाच्या निदर्शनास आणून दिले.
न्यायाधीश साळवे यांनी आरोपी आणि सरकार पक्षाचा युक्तिवाद ऐकल्यानंतर दोन्ही आरोपी पोलीस हवालदार राहुल नरवडे व गौतम लगड यांना अटी व शर्तीवर अटकपूर्व जामीन अर्ज मंजूर केला आहे.
