जयमल्हार क्रांती संघटनेच्या राज्य महासचिवपदी संगमनेरचे नंदकुमार बोऱ्हाडे

संगमनेर – जय मल्हार क्रांती संघटनेच्या महाराष्ट्र राज्य महासचिवपदी संगमनेरचे नंदकुमार बोऱ्हाडे यांची निवड करण्यात आली.
सांगोला (सोलापूर) येथे पार पडलेल्या संघटनेच्या वार्षिक सर्वसाधारण सभेच्या बैठकीत संस्थापक राष्ट्रीय अध्यक्ष, लोकनेते दौलत नाना शितोळे यांच्या अध्यक्षतेखाली संघटनेचे राज्यातील पदाधिकारी निवडण्यात आले. या बैठकीत संघटनेच्या जिल्हास्तरीय कामाचा आढावा घेण्यात आला.
संघटनेचे राष्ट्रीय नेते म्हणून दौलत नाना शितोळे यांची निवड करण्यात आली तर संघटनेच्या राज्य अध्यक्षपदी अंकुश जाधव यांची निवड करण्यात आली. राज्यस्तरीय पदाधिकारी, विविध आघाडी आणि समित्यांच्या निवडी देखील यावेळी पार पडल्या.
यावेळी संघटनेचे राज्यातील पदाधिकारी, अठरापगड संघटनेचे प्रमुख नेते यावेळी उपस्थित होते.
राज्य अध्यक्षपदी अंकुश जाधव, युवक अध्यक्षपदी सुधीर नाईक, राज्य उपाध्यक्षपदी प्रवीण नाईक, कार्याध्यक्षपदी रोहिदास मदने, राज्य महासचिव पदी नंदकुमार बोऱ्हाडे यांच्या निवडी करण्यात आल्या.
अहिल्यानगर (उत्तर) जिल्ह्याचे अध्यक्ष महेश गोफणे, राज्य सरपंच परिषदेचे उपाध्यक्ष मच्छिंद्र गुळवे, राज्य शिक्षण कमिटीचे उपाध्यक्ष संतोष जेडगुले, संगमनेरचे कार्याध्यक्ष ज्ञानेश्वर गुळवे, अहमदनगर दक्षिणचे युवक अध्यक्ष सुनील माकरे, भरत बोऱ्हाडे आदींसह समाज बांधव मोठ्या संख्येने उपस्थित होते.