संगमनेर दि. २७-
संगमनेर शहर पोलीस ठाण्यात या संदर्भात चार स्वतंत्र वेगवेगळे गुन्हे दारूबंदी कायदा कलम ६५(ई) प्रमाणे दाखल करण्यात आले आहे. पोलीस शिपाई विशाल रामदास कर्पे यांनी दिलेल्या तक्रारीवरून मीरा भारत सोनवणे (रा. अकोले नाका, संगमनेर) व किरण बबन नाईक (रा. बुळकुंडे मळा, ढोलेवाडी, संगमनेर) यांच्या विरोधात स्वतंत्र गुन्हे दाखल करण्यात आले असून यातील मीरा भारत सोनवणे ही महिला दारू विक्रेती आरोपी फरार झाली आहे.
पोलीस शिपाई शशिकांत तुकाराम दाभाडे यांनी दिलेल्या तक्रारीवरून जूलेखा शौकत शेख (रा. अकोले नाका, संगमनेर) या दारू विकणाऱ्या महीलेविरोधात गुन्हा दाखल करण्यात आला असून ती फरार झाल्याची माहिती देण्यात आली आहे. याशिवाय पोलीस शिपाई हरिश्चंद्र बांडे यांनी दिलेल्या तक्रारीवरून संदीप भाऊसाहेब शेटे रा. डेरेवाडी, धांदरफळ, संगमनेर) याच्या विरोधात गुन्हा दाखल करण्यात आला आहे.
प्रजासत्ताक दिनी ड्राय डे असल्याने अकोले नाका येथे दारू विक्री होत असल्याची माहिती शहर पोलिसांना मिळाली होती. अकोले नाका हा भाग गेल्या काही दिवसांपासून अवैध धंद्यासाठी कुप्रसिद्ध बनला आहे. केवळ दारूच नव्हे तर गांजासह सर्वच प्रकारचे अवैध धंदे या परिसरात सुरू असल्याचे बोलले जात असून पोलीस यंत्रणेकडून यावर कारवाई करण्यासाठी वारंवार टाळाटाळ केली जाते.
मात्र प्रजासत्ताक दिन सुरू असलेल्या यातील अवैध दारू विक्रेत्यांवर रविवारी दुपारी पोलिसांनी कारवाई केली.
