नको त्या भानगडीत पडण्यापेक्षा आपण ज्या विभागाचे मंत्री आहात तिथे कामगिरी करून दाखवा, वंचितच्या प्रवक्त्या उत्कर्षा रुपवतेनी मंत्री राणेंना सुनावले

महाराष्ट्र संवाद न्यूज नेटवर्क

नितेश राणे यांना महाराष्ट्रातील मत्स्य व्यवसाय व बंदरे यामध्ये खूप काम करण्याचा वाव आहे. ज्या विभागाचे मंत्रीपद मिळाले आहे तिथे कामगिरी करून दाखवा. नको त्या भानगडीत पडण्यापेक्षा त्यावर लक्ष दिले तर उत्तम होईल. अशा शब्दात वंचित बहुजन आघाडीच्या प्रवक्त्या उत्कर्षा रूपवते यांनी भाजपाचे मंत्री नितेश राणे यांना सुनावले आहेत.

मंत्री राणे यांनी ‘परीक्षेला बसताना बुरख्यावर बंदी आणावी, त्याने कॉपी करण्याचे प्रमाण कमी होईल’, अशी हास्यास्पद मागणी केली होती. मात्र राणे यांची ही मागणी फेटाळत राज्याचे शिक्षण मंत्री दादा भुसे यांनी सामाजिक भान राखले असल्याचे सांगत रूपवते यांनी हे सरकार जाणीवपूर्वक दोन धर्मांमध्ये तेढ निर्माण करण्याचा प्रयत्न करत असल्याचे म्हटले आहे.

कुठल्याही समुदायाची प्रगती थांबवायची असेल तर त्यांच्या ‘स्त्री शिक्षणाच्या’ प्रक्रियेमध्ये खोडा घाला ही विकृती मनुस्मृती पुरस्कृत विचारांची आहे, असे देखील रूपवते यांनी म्हटले आहे.